跳至主要內容

文章

顯示從 4月, 2011 起發佈的文章

英倫之旅

假期前,忙了個多星期,好不容易完成假期前的債,錄音、稿件等!就是希望在我的假期間大家仍可看我的文章及聽我的節目吧!但忙碌背後令我更懂得享受這半個月的假期。 或許是在殖民地時代長大的,又或者太愛看英超,對英國有一種莫明的親切感,所以第一次到歐州選了這個地方作為首站,剛到步,說立刻跑去看我最愛的笨先生,在Undergroud的襯托下,他顯得更宏偉! 來多張與倫敦巴士的合照! 來到倫敦,當然還是要走上這個倫敦眼啦! 但是最想到的地方就是這裡,一直很愛石頭類的東西,除了它,還有智利那堆石像呢!在它面前,人就是很渺小的,這個地方,更充滿著神秘感,這麼多年前,是誰將石頭放得這般整齊呢? 由於太愛它,影過百多張相~ 這是遠景~如果大家下次到倫敦的話,也抽點時間到這裡,遠市區才是一小時的火車,在waterloo station(southwest train) to Salisbury Station, 一出站,就有Tour bus 送你到大石堆了,很方便的! 知我到倫敦的朋友都問,你去看威廉王子的婚禮嗎?是沒有計劃的,但有時間也去看一下,那天,整個倫敦也在狂歡,到處也是英國國旗,她們每個人就好像自己結婚般,全世界的傳媒也到這裡來! 我更買了一張Royal wedding Oyster Card (即香港的八達通)留念呢! 待續... ...

Encore版撳機問題

準備好就開始喇~ 請在facebook依次序寫出5條問題的答案便可,例如: 1D2D3C4A5A等...最快答中的兩位就有獎啦! 1) 以下那種食物鈣質含量最低? A) 1杯250毫升豆漿 B) 2片低脂芝士 C) 1安士芝麻 D) 1 碗熟白菜 2) 一樽500毫升「低糖」飲品,最多可以有幾多克糖? A) 15 B) 20 C) 25 D) 30 3) 以下那種營養素是現時香港食物標籤中必須列明的營養素? A)飽和脂肪 B) 膽固醇 C) 維他命C D) 纖維 4) 在茶餐廳柯打飲品,選哪一杯的熱量較低呢?(以正常沖調方法及已加糖計算) A) 一杯熱奶茶 B) 一杯凍檸茶 C) 一杯熱檸蜜 D) 一杯凍杏霜 5) 以下那個情況較有利於脂肪燃燒? A) 只在週日進行一次5小時行山 B) 只在週日進行一次2小時跑步 C) 1星期4次每次10分鐘跑步+10分鐘單車+10分鐘太空漫步 D) 1星期4次每次30分鐘跑步,隔天進行 今次簡單好多,努力喇!等我在FACEBOOK講咗3...2...1先開始!

一菇兩味

好多朋友都覺得自己煮嘢食好麻煩,但我有時覺得成日出街食諗食咩仲煩,左諗右諗,最終咪又係去平日去開果間,午飯時間仲煩,又要趕又要迫,仲要無咩揀,得ABC餐,悶鬼死囉! 所以有時候自己準備食物都有D樂趣架!不過我都係懶果隻,所以一次煮兩餐就唔駛煩,咁我今次煮咩呢? 這就是材料: 有無覺得個配搭好奇怪呢?又好似煮西餐,但又好似煮中餐咁!唔講俾大家聽住,切好個番茄先,個番茄我習慣會厚切,感覺好D嘛!好似啖啖肉咁! 見倒塊豬扒係咪有D擔心唔知點煮呢?因為普遍尼講,煎豬扒要用好多油先煎倒,但我教你一個方法,切豬扒條咪得囉! 因為咁大塊豬扒又要煎得佢熟都要用幾長時間同勁多油架!細細條有兩個好處,快D煮熟啦!仲有可以偏自己的肚皮,感覺上好似食多咗,食物與人之間都係互相呃吓呃吓啫,煎俾大家睇吓... 用咗半茶匙油都無呀! 當然要醃啦! 如果唔係邊有味,我用咗豉油同胡椒粉,跟住先煎! 差唔多8成熟,就落阿菇喇! 加佢嘅原因,都你因為佢大件有抵食,咁就可以放滿個包囉!而且由於菇有好多水,一邊煮就好似有D汁咁,睇唔睇到呢? 跟住就將佢放入個袋,再加D番茄酸酸地,食嘅時候再加黑胡椒就OK哂! 點解係一菇兩味,因為當晚我再用豬肉條同菇煮個烏冬,咁又有一餐囉! 仲有呀!三文治真係唔只夾蛋同火腿架!花D心思就得啦!這個荷包菇真係唔錯。

撳機第二擊

上次同大家玩得咁開心,所以我就決定在復活節之前同大家玩多一次啦!玩咩!有獎問答遊戲,撳走部測肪機同一部去油烤爐囉! 因為我知道好多新朋友仔,所以都要講多次玩法。首先,當然要加入咗我黃詩詩這個有營兵團先啦!加入的方法好簡單,你只要按下面Nutsdiary個Link,入咗去再按LIKE或讚好,然後登入自己的Facebook Account就可以玩架喇!當日就會在約定的時間在網誌寫出 問題,然後我會在facebook數123,就可以在Facebook答的。 Cynthia Wong likes Nutsdiary Create your Like Badge 遊戲的時間鐵定星期二(19/4)晚上20:30,今次一樣會有5條營養問題要答,每條有4個答案,大家需依次序由第一題到第五題寫出答案的英文字,最快果位有測肪機,第二位有去油烤爐,就是咁簡單,邊個答先以Facebook 的顯示為準! 就是類似這個烤爐了,係咪好吸引呢? 仲有一日,未登記就快喇!

想說

隨心而行,問心無愧,是我這三天從經歷中得出來的東西。 剛過去的三天,是我工作以來最沉重的日子,面對著一個抉擇,經歷著不同程度的打擊,我感到前所未有的失落及無助,那種無力感是不能用言語形容的,別說是心情是否被破壞,就連健康也給影響。 我用了三天的時間,好好地想過這一切,也找我心裡面的衪,衪引領我得出一個答案,所以我決定,無論日後發生什麼,就算需付上一定的代價,我會繼續堅持我的信念。 想說,是我心靈上一種抒發;想說,是想告訴大家,人在世上,總有順逆,但只要你能堅持你的信念,堅持你所相信的東西,你就會活得快樂,得到平安;想說,更想告訴大家,你們是我背後最大的力量,『很奇怪』,每次在我感到失落,甚至想放棄時,我總會收到一些平日鮮有收到的信件,而前天,我便收到一個令我哭笑不得的電郵,那個電郵是這樣的,她告訴我:『有個低B妹一直忍住唔LIKE,就係為咗做第2000個fans!』而且,她還附加了這個証明她是第2000個fans 的print screen給我~ 就是因為這個電郵,我想通了一些東西。 我知道,這一切不是巧合,也不是奇怪,我深信神一直在引領著我的路。

200卡減肥甜品製作班

終於都完成整個製作班的籌劃了! 前兩天公佈部份資料後,有部份番薯說8堂太多,又有朋友覺得課程太昂貴,成2800元一個課程,但我要告知大家的是,由於這次我希望大家可以親手做甜品,所以租用了廚房,而這些地方的租金也是昂貴得不得了的,而且低脂食材一般也比原味的,最少貴3成,相信增買低脂產品的朋友應該知道,所以,我決定修改了原先的計劃。 200卡減肥甜品製作班 A班:6/5;13/5;20/5;27/5 (逢星期五) B班:1/6;8/6;15/6;22/6 (逢星期三) 時間:晚上7﹣8:30 課程費用:每人港幣1400 (包括材料費,將會是兩人一組,每堂製作兩款甜品) 上課地點: 九龍油麻地廟街2﹣8號昆鏡大廈2樓,港九酒樓茶室總工會,油麻地地鐵站C1出口 製作班甜品出場序 第一場:繽紛杯杯蛋糕;多拉B夢銅鑼燒 第二場:藍色曲奇餅餅;雜莓芝士蛋糕 第三場:芒果蛋卷;焦糖蛋糕 第四場:曲奇蛋Tart;朱古力脆脆蛋糕 報名方法:可先致電留位,電話29920148;電話留位期限兩天,即是說星期三電話留位必需於星期五或之前親臨尚營坊尖沙咀及銅鑼灣分店繳交課程費用,否則留位便會自動取消,接受現金/EPS/VISA,不設分期付款。

限定低脂減肥甜品班

個銅鑼燒係咪好吸引呢?你想唔想試下親手做?仲有下面果個CUP CAKE、曲奇啦、抹茶布甸、芝士蛋糕~車...唔好玩啦!減緊肥點食得喎! 上星期五在Facebook都預告過,我哋會舉辦一個限定低脂減肥甜品班... 這個可能係全港第一個真正低卡減肥甜品製作班...一次教你親手做15款你最愛的甜品,無論係送禮自用,總之不能錯過,因為貴精不貴多,人數只限20人,一個也不能多~ 要點參加?由於學生人數有限,因為這次我們二人一組真正在廚房做的,只有最多最多20人,所以我只可以給Facebook 的番薯參加,所以若果你未讚好我的個人專頁,是不能報名的,而且係先到先得!俾兩日時間大家登記,星期三(13/4)會開始報名,登記的方法只需按下面Nutsdiary,跟住入自己的登入資料,按LIKE/讚好就可以了~ Cynthia Wong likes Nutsdiary Create your Like Badge 講個時間俾大家知先! 時間是晚上7:00﹣8:30,一共8堂,13/5開始至8/7,逢星期五! 地點係九龍油麻地廟街2﹣8號昆鏡大廈2樓,港九酒樓茶室總工會,油麻地地鐵站C1一出就見倒!學費是$2800,包括所有材料費用,而且兩位同學仔一組的!詳細資料星期三再公佈! 我肯定咁話你知,雖然低脂低糖,但甜品超好食!係呀!你哋一定會問係咪我教,老實講係我教你就千奇唔好參加,因為我做的『甜品』,應該係無甜味架!所以呢!我今次諗住同大家做同學,我會揀我最鍾意的甜品,上兩堂,到時一齊親手做甜品啦!

深圳菇

我面前嘅食物係咪好吸引呢? 上星期,跟朋友去過深圳一轉,我哋當然就係到處食食啦!但係我喺尼埋食物前面行過幾轉,最終都係揀咗... 係咪好過隱呢?佢最卡蛙依嘅地方係竟然可以這樣串起囉,成塊金菇布一樣,其實佢咩食物都可以做成一串架,於是當晚的宵夜,我就食咗金菇、冬菇同蘑菇,係咪有D俾我激死呢! 你一定會問我,食宵夜好似唔係太健康喎,仲會肥添!哈~咁咪啱囉!我要增肥!! 其實,食宵夜健康與否,係沒有絕對的,例如對於要增肥、孕婦來說,少食多餐是需要的;但減磅戰友呢?如果你一整天進食份量是合乎每天的需求,就算晚一點食,熱量不會因為此提升的。當然,對於某些人在晚間進食時會大吃大喝就唔係咁講喇!明白無~ 第二天的午餐,又上餐館去,竟然在餐牌上看到這味餸,燙金菇也可以做主角,我當然唔會放過佢啦!但係在內地進餐,食物就是超級油,就算是一味簡單的燙清菜,也是油煮的,嚇死人,隨住內地愈來愈繁榮,人們就更懂得吃,而且是暴飲暴食的,或許,肥胖真是富貴病,唔知佢哋幾時先會明白飲食健康的重要呢!

焗咗你先~

終於有時間寫Blog了~ 這個東西,已經完成了近一個星期,其實我之前都教過,但因為沒有相的,所以再多說一次! 大家應該知我好鍾意阿菇,但係唔知大家又有無諗過一隻菇,是可以當PIZZA做的,怎樣做,很簡單的,跟我來做! 材料: 1隻燒烤菇 1片低脂芝士 1片火腿 2湯匙洋蔥粒 2湯匙蕃茄粒 做法: 1. 先將火腿、蕃茄及洋蔥切粒,備用; 2. 燒熱鑊,加1/2茶匙油,先加入洋蔥粒炒香; 3. 轉金黃色後,再加入火腿粒快炒,盛起; 4. 生蕃茄粒、火腿及洋蔥放在燒烤菇上; 5. 再放上低脂芝士放上最頂層,放入多士焗爐約10分鐘,待芝士溶掉即成。 6. 進食時可加入黑胡椒或香草等調味。 7. 伴以上一篇介紹過的菇粒飯同吃,是最佳伴侶。

菇粒牛肉炒飯

我這個人就是那樣的,愛恨分明,要是我愛的,我會全心全意地去愛,毫無保留的。於是你會看到我愛菇的程度,就連一個炒飯,那堆菇也是主角,牛肉呢!是陪襯品吧! 要食得有營,將蔬菜當上佳餚主角是踏上健康的第一步,將蔬菜混合炒飯,可以令份量看上去大一點的,有時候,當那天遇上菜芯或芥蘭時,我更會將它們的莖部混合米飯炒或待白飯差不多煮熟時,加進飯㷛中。 這碗菇粒飯很容易做的,我這次用大烤蘑菇及靈芝菇,先將蘑菇切成菇粒及靈芝菇分成小件,用1/2茶匙油及蒜炒好,炒的時候放少許鹽及黑胡椒就更香了,半熟時,放醃好的牛肉粒再炒,最後當然要落白飯啦!加少少美極就更好味!完成之前,我加了紅椒粒,可以令個飯更靚仔呢! 這就是菇粒牛肉炒飯了!

4月份又來了

原來忘記放在這兒,多謝讀者Wendy的提醒~ 6/4(三)佐敦柯士甸道童軍中心1114室 7/4(四)銅鑼灣中央圖書館地下1號活動室 12/4(二)銅鑼灣中央圖書館地下1號活動室 4月就只有這三場,6及7號只有10多個吉位,12/4就較多,要夏天前趕走個肚腩,是時候了。 老規矩,要聽就打電話留位啦! 留座熱線:28910920