營養師黃凱詩的生活點滴

2011年8月29日星期一

《瘦身可餐》有獎遊戲



老規矩,一人答一次,之前中過獎就唔可以再玩,太緊張手快快打錯咗都唔接受重交答案,答案形式跟之前一樣 ,即1A2B3C4D5D,我在Facebook nutsdiary fans page數一、二、三便開始,答案以<瘦身可餐>內資料為準。先送出無油鑊,第二位答對的就送烤爐。準備好就開始,今次好簡單,所以要快,但係要冷靜~~

1.大家應該知道,我經常晨咁早俾一位朋友吵醒,我慣常用多個噴火公仔回覆她,請問我會用多少個噴火公仔呢?

A)8 B) 9 C)10 D)11

2. 很多朋友也喜歡食沙律,要是想吃得健康又瘦身,以下那種醬汁較低卡呢?

A)橄欖油 B) 葡萄籽油 C)黑醋汁 D)凱撒沙律醬

3)1個迷你冰皮月餅,有多少卡路里呢?

A)100 B)150 C) 200 D) 250

4)以下那種糖水的熱量最高?
A)番薯糖水
B)白果腐竹蛋糖水
C)木瓜燉雪耳
d)紅荳沙

5)吳願沃小姐現時體重62公斤,前天開始,她嘗試做半小時滑雪機,請問她可以消耗多少卡路里呢?
A)193卡
B)450卡
C)202卡
D)426卡

2130

唔好話我唔提你哋,買咗我新書的朋友,記住今晚9時30分,登入Facebook我的專頁,才可以參加遊戲架~

2011年8月27日星期六

感激


《瘦身可餐》,真是賣得很好很好,是意外地好,每次當我發現某某書局找不到書,我總以為是不知放到那裡,自己找不到吧! 但原來真的是賣完了,要補貨~前天,公司Check Stock,書數突然激減,經理們堅稱是否接待員錯點數目,覆數後,只剩下11本,一本也沒有數錯,老實說,這個好成績,真是意料之外。

告訴你們,突然將封面及風格有這麼大的改變,是有點壓力的,畢竟,先前出版社會怕這個風格是否太小朋友太卡通太低能,但是我告訴他們,我的確是小朋友,最少我的心境是,這麼多年,我一直希望用一個較輕鬆的方式去說那些沉悶的營養學,要不是我仍抱著這個小朋友的心境,我相信,我是不能這樣寫的。我告訴她們,我樂於做回自己,因為這就是我。

要多謝的人真是太多太多,am730的社長副社長們、編輯、設計師、蔡煇煇......還有,每一個故事的主人翁,當然還有在這麼多年對我不離不棄的戰友及讀者朋友。好啦~多謝的說話不再說,再說就是有點婆婆媽媽的,不似我呢~對嗎?

我知道還有朋友買不到書的,下面那張是郵寄的訂購表,有需要的話,填好交回出版社,是免郵費的。(亦鼓勵大家放在公司的接待處供眾人訂購吧~hehe)

有上facebook的朋友,應該知道我為咗多謝大家,下星期一會跟所有買了新書而又加入我的facebook 專頁的朋友玩一個有獎遊戲,遊戲的時間是星期一29/8晚上9:30,會送出以下禮物,先送出無油鑊,第二位答對的就送烤爐。




記住除非你識背我本書的內容,否則買了書的朋友記得9:30pm要有書在手,而且要讚好我的facebook專頁才能參加的。

健康飲食節目《揀飲擇食》第一集

2011年8月17日星期三

150克的Froyo

今個禮拜想同大家玩一個遊戲,都幾有趣架,不過問題係,個遊戲係無獎嘅~

有咩好玩,就係上面杯乳酪,睇吓張相先啦!我相信你哋平日果杯,一定無咁細杯啦!鬼咩~個杯咁大,裝咁少,好似唔似樣,但係我這個人,就係咁硬頸,你偏要我裝多D,我就要裝少D,有相為證啦,這裡只是100克多少少,係咪好勁呢!

老老實實,裝咁少嘅原因,其實係因為佢肥,你唔好以為佢個形象好健康,其實佢只是低脂,糖份唔少架,雖然佢無食物標籤,但係我揀過佢類似產品的網頁,每100克嘅熱量係101kcal-140kcal不等,而裡面的糖份,有差不多4-5茶匙糖,唔好以為佢低糖呀!你諗吓自己平日食幾多,最少都300克啦~嘩! 420卡,仲肥過菠蘿油,死唔死!

所以呢! 我就算要食,都會食100-150克左右,因為對於keep fit嘅我尼講,這個東西是正餐外的額外零食,係唔應該攝取多於150卡的,少於150克的Froyo就剛剛好。所以,我每次都測試下自己可唔可以裝到剛剛好的100克乳酪,好好玩架,因為除咗控制自己食慾外,仲可以測試下自己的控桿能力。

個遊戲是這樣玩的,如果你下次買乳酪,你買完之後就影張相連同張單放在我的Facebook,睇下邊個最勁,剛好食咗100克啦~不過咁,減緊肥就唔玩得住架,明天就upload張相去我個facebook啦~好眼瞓,bye~~~~~
(如果我有字打錯,明天才改吧!因為我隻眼已合上一半,見諒,報時訊號一響,凌晨3點正zzzzzz)

2011年8月1日星期一

送你一部測肪機

有讀者告訴我,她平日不愛到FaceBook的,所以希望有什麼新資訊,也能放在這兒!

當然,若時間許可的話,當然可以啦! 好...就放這個可愛的coupon在這兒吧! 是黃詩詩送你的測肪機一大部,要怎樣才能送出呢?好簡單,若果你剛剛下定決心減肥,想搵人幫下手,就會有架喇! 真係大贈送,因為這個牌子的脂肪機是最出名的。使用詳情就參考個coupon啦~

優惠期是有限的,應是2011年7月20日至8月30日參加減磅計劃的朋友罷! 但記住,第一次見營養師就要出示,所以print出尼啦~否則就無得送喇!

真係好鬼鍾意個coupon囉! 因為個黃詩詩好唔專心咁一邊磅重一邊睇書,哈!知唔知佢睇緊咩書呢?佢仲要流緊汗架。