營養師黃凱詩的生活點滴

2014年8月14日星期四

三文魚的好與壞


我昨晚煮了三文魚炒飯,放了在facebook,朋友Jenny就即刻message我話好想食,但係轉頭又話唔食得,成個個程吞吞吐吐⋯⋯
唔食得三文魚,等我諗下先,唔通佢⋯⋯吖我知喇!我個人咁八卦,當然再問,我話:「係咪三個月後先講得呀?」
我就再講:「其實食全熟唔食生就得喇!但當然唔可以食太多啦!」

可能好多人都以為三文魚咁健康,人人都可以食,仲食多D都無所謂。其實,有兩個群組的朋友,食三文魚要好小心份量架,一組係孕婦,另一組係小朋友,因為三文魚都屬於含水銀的魚類。根據美國FDA建議,這個群組的人,一星期最好唔好食多過12安士的低水銀含量的魚類,罐頭吞拿魚都係當中一員。雖然係咁,大家又唔駛過份擔心,因為12安士其實有成340克,好多架!( 1隻麻雀=40克)

對於其他朋友而言,就不需要擔心它的水銀,因為份量其實好少,而且,食三文魚,好處多過壞處好多好多。即係對心血管病患的保護等啦!而家中有心血管病患的病史就更加要多吃三文魚喇!好似我咁。我就鍾意一星期食兩次,一次食三文魚魚生,一次食熟的三文魚。今日講住咁多先啦!

[DayDayCook] 健康減磅 - 冬瓜粒湯飯

2014年8月2日星期六

[DayDayCook] 健康減磅 - 有營西多士

減肥乳酪

近排好多戰友同我講,想找找我以前Facebook關於食物嘅post,無奈,Facebook的過氣Post是很難找的,為咗方便下大家,我會重新努力要經營一下這個營養師手記,將一D同食物同減肥有關的Post都放到這兒,希望方便到大家啦!
首先就放返這四杯市面上容易買到的乳酪,它們都是在市面上,較低糖低脂的,味道呢~
我個人就當然鍾意Yopliat啦!有多種口味嘛,但Emmi 的Greek Style都不錯的。





唔知你會唔會問,點解食乳酪唔飲奶呢?當然奶都是一個極佳的鈣質來源,但係我個Friend Bonnie成日都話,咩都要抵,如果食乳酪,又有鈣之餘,仲有活性乳酸菌,咁就可以促進腸臟蠕動,有助排便啦!咁就可以一石二鳥!