營養師黃凱詩的生活點滴

2009年6月3日星期三

午餐食唔飽


再一次證明,如果個午餐食唔飽,你將會心思思,口痕又肚餓嘅程度,可以將成間七仔都吞到落肚,這個說法原來係真嘅!


話說今日午飯時間,有份好趕嘅稿要完成,於是食咗1個豬仔包就算,完成咗份稿,諗住落街行下,個人就心思思想食嘢,點知俾我買咗Lee包栗子,咁就同大家介紹下,減磅戰友,有時都會想食d零食,這包栗子是不錯呀!1包剛好是1份五穀類食物。

10 則留言:

匿名 說...

栗子唔係好多脂肪GA咩?

匿名 說...

一份5穀= 一碗米粉 OR 一碗飯?OR 其他?

匿名 說...

這種經制練的冇殼甘粟好似好高糖份,難道你吃不出嗎???????

匿名 說...

好野~又可以食下零食啦!!!

Cynthia Wong 說...

唔駛咁驚,新鮮當然最好,但係個標籤話我知一包有60多卡,當中有12克碳水化合物,約2克蛋白質,仲有微量脂肪,就算新鮮栗子,都有糖分,5粒(28g)已有68卡,所以間中作為小食充電,都可以接受啦!(不過營養標籤法例下年7月1日先推行,而家唯有信住佢先啦!)

匿名 說...

你話5粒已有68卡,但一包有60多卡,吾通咁大包得5粒???

Cynthia Wong 說...

你講得無錯,一包超細包,而且仲超小型嘅栗子仔,細粒過街邊栗子,所以咪多幾粒囉!
不過咁,若果你唔係減磅戰友,就唔需要計得咁足,間中享受下健康小食,平均下生活的緊張壓力,都唔錯啦!

匿名 說...

粟子在我手,幾粒點夠喉. 哈哈.........

匿名 說...

吾怪之得你咁廋啦,午餐吃個豬仔包,小食吃幾粒粟子.( 不能說的秘密 )

匿名 說...

好多謝你經常幫減磅戰友揀小食,因為有時都會口痕,謝!