營養師黃凱詩的生活點滴

2009年6月15日星期一

返咗尼喇!


很久... ...很久以前,介紹過一包薯片俾大家,但係轉頭就無得賣,減磅戰友們都唔知幾失望,但係今次大家等到喇!超低脂、勁少鹽嘅薯片返咗尼喇!知道包薯片再襲港要多謝邊個,咪我個friend囉,如果佢唔係今日遲大到,我就唔會無端端行入M&S啦!

講返包薯片先,一包只得85卡,脂肪幾多?竟然係0.7克,好多減磅小食通常有一個弊病,就係多鹽,但係這包薯片,只有0.09克-0.11克鈉質!但係大家要記住一句食低卡食物的口訣,食得多,即是一日2-3包,同樣會攝取過多熱量,一樣會肥。

天時暑熱,食小食又點少得一杯凍飲呢!上星期五係電台講過杯鮮榨橙汁+有氣礦泉水,有戰友即時一試,我今日再靈機一觸,用果蔬生活嘅紫色版+礦泉水+冰都唔錯,無咁甜,爽哂!

但係提提大家,橙色版果蔬生活較低糖低卡,間中飲下紫色,都可以嘅!緊記,食蔬果都係原個水果好。

9 則留言:

匿名 說...

How much of crisps?

匿名 說...

消委會 - 測試40款瓶裝水,發現8款天然礦泉水含菌,而一款Perrier天然礦泉水含有亞硝酸鹽

Cynthia Wong 說...

謝謝你的資料提供,好彩消委會亦有補充,超標量輕微,以一個重量60公斤的成年人計算,每天要飲用13樽750毫升裝的礦泉水,才會超出每天容許攝入量,正常飲用不會影響健康。再一次証明,飲食需多元化,如果天天飲用或進食同樣食物太多,有機會影響健康呢!

匿名 說...

Wow! tasty! too boring today. i try once...yummy

わたし山今小姐 です 說...

cynthia, 一包m&s薯片個份量點計話, 忘記左添? ;)
阿yu

Cynthia Wong 說...

山今小姐,一份穀呀!

匿名 說...

第一次看專欄作家的網誌,感覺很得意,我看了一整天,好像認識你已久的老朋友,多謝你的分享,我會經常上網瀏覽的。

Gigi

匿名 說...

看見你展示的相片有3種, 分別是藍色,橙色及黃色, 請問3種也是85卡? 你推薦那種是最適合減肥人事?

Cynthia Wong 說...

三種小食熱量是相約的,不用太擔心,根據個人口味選擇就可以了,但橙色那包之鹽份是三者中最低的,但當然較淡口吧!若首次轉吃低脂小食,可由其餘兩包入手。