返咗尼喇！

很久... ...很久以前，介紹過一包薯片俾大家，但係轉頭就無得賣，減磅戰友們都唔知幾失望，但係今次大家等到喇！超低脂、勁少鹽嘅薯片返咗尼喇！知道包薯片再襲港要多謝邊個，咪我個friend囉，如果佢唔係今日遲大到，我就唔會無端端行入M&S啦！

講返包薯片先，一包只得85卡，脂肪幾多？竟然係0.7克，好多減磅小食通常有一個弊病，就係多鹽，但係這包薯片，只有0.09克-0.11克鈉質！但係大家要記住一句食低卡食物的口訣，食得多，即是一日2-3包，同樣會攝取過多熱量，一樣會肥。

天時暑熱，食小食又點少得一杯凍飲呢！上星期五係電台講過杯鮮榨橙汁+有氣礦泉水，有戰友即時一試，我今日再靈機一觸，用果蔬生活嘅紫色版+礦泉水+冰都唔錯，無咁甜，爽哂！

但係提提大家，橙色版果蔬生活較低糖低卡，間中飲下紫色，都可以嘅！緊記，食蔬果都係原個水果好。