營養師黃凱詩的生活點滴

2013年11月18日星期一

巴黎悠閒之旅


上面張相,攝於早上九時的一個巴黎有機市集,可想而知。這裡賣的蔬果也很受巴黎人歡迎吧!你見到咁多有機菜,你諗到甚麼,係咪想知花多一半價錢,去買有機產品,是否物有所值呢?在保護環境因素而言,有機沒用化學農藥方法當然對地球好D,而我們又唔會食咗殘留的農藥,但係老實D咁講吖!營養素真係差唔得幾多,而且我哋仲要好小心,因為有好多朋友都誤以為有機食物乾淨D,唔洗就食,咁樣係好危險架,因為無農藥唔代表無細菌嘛。


不過咁,如果你花費得起,有時都想買D靚嘢。好似我上次去巴黎,見到這個市集D蔬果咁靚,唔知幾想買返酒店煮,下次都係租間service appartment。


今次已經係第二次去巴黎,所以已經沒有追景點那種古怪壓力,這裡闖下那裡碰下,就會找到好多好多新奇又好玩的東西,而且我愛那種不用帶地圖,漫無目的地走那種方法,這樣令我的腳步放慢,心情也輕鬆。

旅行,當然離不開食。但在巴黎這個地方,任你吃甚麼也有堆薯條送上來的,我打趣跟友人說,這個行程吃薯條的總量,跟我在香港5年的份量也差不多,但下面這一個,也很可愛的,它的造型是一片片的,有一種很新鮮的感覺耶!


老老實實,今次去巴黎,同Sam哥都真係有少少關係。鬼咩,成日在巴黎走來走去,攪到人哋個心亂哂。巴黎聖心教堂上次咪去過囉。仲去?!朋友鬼哂咁嘈。鍾意影相嘅朋友應該好明白我,鬼咩,上次一早來,背光...張相唔靚囉,今次幾好!



仲有都有因為這個畫家村,因為我其實細細個學畫畫嘅時候,都有一刻,即3分鐘閃過大個之後做畫家,但點知有人同我講做畫家死咗先有人識,所以...都係好似而家咁,做個業餘小作者圓我心願吧!


係巴黎,到處影一副相都可以很美。


我無聊周圍影,都唔錯吖!


同食物影相都是我的強項,咁多種番茄,你們愛那一種呢?



6 則留言:

嘉義美食 說...

好多番茄喔@@
還有長的好像南瓜的番茄xd

埋線減肥 說...

有機的價格雖偏高
但對身體比較好
對我們的土地也比較好
不過現在有些不肖業者也會打著有機的門號故意把價錢抬高...

阿凱撿骨 說...

有機的好~~
對身體好~~對土地也好^^

旅行社 說...

在那裡逛蔬果舖真的會失心瘋阿~

撿骨 說...

我好愛蕃茄~

旅遊 說...

悠閒很棒