睇完今日個專欄,你估我最想講咩俾大家知吖!
唔係點揀水餃,更加唔係10隻水餃=1個巨無霸,係大家唔好再因為慳,用雞油炒菜喇!雞油飽和脂肪高,會令膽固醇增加的,真係攪到膽固醇高要食藥,仲貴呀~
好啦!今日話過,俾個健康餃子食譜大家,不過,如果你係我忠實讀者,你今個星期六日都應該係屋企做過。個專欄是逢星期五放在am730的,教大家做的,都是針對要減磅又愛煮食嘅朋友。每次都會講少少貼士啦!當然有卡路里俾大家參考。
香菇菜肉煎餃子(2人份量=518Kcal )
只要將更多的蔬菜如旺菜、冬菇、木耳等都加進餃子,將肉類的份量減少,餃子絶對能登大雅之堂,成為健康瘦身主角。可是我說的餃子,絶非坊間買回來的,因為若你不多加注意,市場上充斥著肥豬肉餃子呢!若以這個自家製餃子作為正餐,那麼,大約5片餃子片就如同1/3碗飯了,著依這份量製作,每餐可吃10-15隻呢!但當然,多吃碟菜會更佳。
材料:
旺菜 1/2個
瘦肉 80克
冬菇 4隻
餃子皮 20片
麻油 1茶匙
煮食油. 1茶匙
熱水 1碗
瘦肉醃料:
豉油 1茶匙
胡椒粉 1/3茶匙
做法:
1. 旺菜洗淨,瀝乾,切碎。
2. 冬菇用冷水浸軟,去蒂,瀝乾,切小粒。
3. 瘦肉洗淨,瀝乾,剁碎,用瘦肉醃料醃好,加2湯匙水,拌勻。
4. 燒熱鑊,下油,將瘦肉碎炒至半熟後,放入旺菜碎及冬菇粒炒勻,盛起,成餃子饀料。
4. 將半湯匙餃子饀料放在一片餃子皮上,用水沾濕圓邊,對接,成一隻餃子,重複步驟至完成20隻餃子。
5. 燒熱鑊,開大火,不用放油,放入餃子煎半分鐘後,加入半碗熱水,蓋上鑊蓋,收中火,待水蒸乾後,再重複步驟一次,直至餃子煎至金黃色,加入麻油,上碟,即成。
餃子排好後,煎一陣 |
然後落半碗熱水,上蓋子,水會蒸發
|
不過,其實真係好想提大家,在超市買餃子真係要好小心,今日在專欄講的例子是真的,亦很常見,記住看Food Label 囉!
如果你仲想知有無其他危機,看下個Post :)
留言
有空也來動手包包餃子!!