跳至主要內容

罷工行動升級

唉!以為明天會更好,點知她的罷工行動升級!

今朝,如常的洗面刷牙,電話響起...he....llo...,對方好像沒有反應,因為我用九牛二虎之力也不能說出一個單字,於是不能不宣佈她的罷工行動升級。

由於身體沒其他毛病,我如常的上班。回到公司,我勞煩小助手告訴我每一位客人,『營養師失聲了!』而我亦第一之用手語及紙筆的方法與減磅戰友們溝通。幸好,她們的減磅成績理想,我不用說太多了。

下班了,用九秒九極速看葉醫生,望他安排仙丹妙藥使我快速『發聲』,令星期一的講座可如期進行,葉醫生話我的聲帶疲勞過度,症狀是『聲帶發炎』!醫生叫我這兩天少說話多做事,星期一應該好得七七八八,我話:『可唔可以八八九九!』葉醫生話唔好心急:『好似你幫人減磅都話唔可以極速瘦身啦!係唔係呀營養師!』真俾佢激死!

留言

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

選擇障礙

今次,我終於明白咩叫選擇障礙... 一個星期前,我同大家玩咗個心理測驗,問大家生日嘅時候會揀咩餅?身邊的朋友都異口同聲話,原來都唔知點揀好。我都好明白,有時無得揀又唔高興,但當有得揀就仲煩,但當選擇多到成100種嘅時候,更加唔知點算?! 有睇我個Blog嘅朋友應該知道,一個月前,我係日本睇中咗一部單鏡反光機,但最後都無買,番到香港,d戰友紛紛問我,吓?!無買呀!做咩唔買呀!個相機咁cute!!唉!你哋真係好鬼衰,明明好辛苦先放棄咗,而家又攪到我囉囉孿! 好彩!我有個好好好好人嘅戰友係日本啫,仲咁啱有個friend月尾會去日本,哩d係咪叫緣份呢!但第二個問題又難到我,成100種配搭,我而家有好嚴重嘅選擇障礙,點攪呢! 個網頁好好玩,幫你襯色慢慢揀,幫下手啦! www.camera-pentax.jp/k-x/#/simulator/120101