近來,有D朋友經常愁眉苦臉。昨天,一位減磅戰友說:『近日公司人心惶惶,每當阿姐被叫入大老細房,大家就好擔心,佢哋係裡面是否傾緊裁員裁邊個,於是平日返公司先慢慢嘆早餐,如今唯有唔食,以免給人有藉口裁員啦!』另一位戰友正是被捲入金融海嘯的中產朋友,她說:『最近都沒有咩能令我開心,有彩你幫我減了20磅,都算有D財富啦!』
於是見大家壓力沉重,我今日打算介紹一個開心餐單給大家,希望大家睇完今一個專欄,輕鬆笑了數分鐘後,再到超市入貨,為今個晚上準備一份開心餐吧!各位減磅戰友,共勉之─
早餐:用脫脂奶煮一個香濃麥片,再將一隻香蕉切片,放上麥片同食
午餐:到泰國或越南小店,叫一客海南雞胸飯或雞絲湯檬粉,當然要食菜啦!
晚餐:買一袋煙我最鍾意食嘅比得包,準備數片三文魚或火雞胸片,將他們切絲,再連同生菜絲,放入比得包中,再加入1湯匙低脂沙律醬,喜歡熱食,可放入焗爐5分鐘,香噴噴的開心餐切成。
希望大家鐘意啦!
留言
Thank you