跳至主要內容

喵喵!我已開始減肥


米路仔語錄:

2009年2月10日

好開心呀!自從3日前主人幫我減肥之後,我已經瘦咗0.2磅,由11.6變成11.4,你哋唔好笑我住,0.2磅對一隻貓已經好多喇!

想唔想知我點減呢?首先,主人慢慢幫我戒零食,跟住將我的食量減少1/8,但最重要的當然是運動啦!主人知我只係鍾意踢波,所以每日都同我踢15分鐘架!

起初我都覺得有D辛苦,好慘係無得食零食嘛,但係主人成日係我耳邊囉囉唆唆,話如果唔減肥,有個肚腩好容易有糖尿病,所以為咗自己健康同唔駛主人擔心,我會努力架!

其實唔好講我哋D貓貓啦!人都係一樣,有時見到主人返屋企時,好似有好多心事啦咁,佢話我知很多朋友都好怕改變,唔想改變自己的飲食習慣,認為暫時唔食高脂食物是天掉下來的事,其實當時間過去了,你只會記起減磅成功的喜悅。

各位朋友,不要再給自己藉口,維持健康體重,不只對得起自己,還有你的親人及朋友呢!健康的喜悅,比什麼也來得珍貴。

留言

匿名說…
Hi! Milo,

I totally agree with you. The prime reason for maintaining an appropriate weight is HEALTH. The joy of having a better figure should be mentioned too, of course. This is my experience in the past few months. Besides, I am proud of my endurance and persistence. Thanks to Cynthia!

By the way, you look very smart in the photo (after keep-fit and recovery from the recent sickness?)

Keep it up! We reap what we sow.

Wendy
匿名說…
Hi 米路仔,

果然有個營養師在身邊監督"零舍不同"喎! 你瘦得好明顯呀, 真係恭喜你呀!

我就食到肚滿腸肥添:( 所以已經按照你主人之前教的方法,為自己安排咗啲"去肥腸"餐!

繼續同哥哥努力加油呀! 喵......
匿名說…
真是講得啱!人就是害怕改變.好似我地50出頭的人,仲俾人話貪靚先至減肥, 依家身體無事無干(自已都唔知)就是金錢換健康,到有疾病時有錢都買唔到健康架, 人無健康又點會生活得開心呢?
Clara
其實這段說話都是有感而發,早於4/5年前,曾經見過一位50多歲的女士,當時她已經有180磅,當時建議她減肥,她便說剛剛做了驗身,一切正常,而且好又稱工作太忙,沒有時間減肥,所以當日她認為不需要減。

前日,她再到我公司,告訴我她已退休,有時間減肥,但同時,她已得了多種疾病;每天需要進食4/5種藥物,現在每天的工作,不是驗血就是看病,唉!她說:『真後悔當日沒聽你的勸告!』
匿名說…
唉! 我都有感而發, 莫講好啲客係咁勸唔聽, 我的家人都係咁勸唔聽!

姐夫,妹夫40多歲就已經有血壓高及痛風, 寧願食定痛風藥/翌日睇醫生都要打邊爐,燒烤食高脂肪食物! 見到我家父母擺在廚房的臘腸,臘肉,咸酸菜我就更心痛, 點解佢哋唔肯聽我嘅勸告同呢啲唔健康嘅食物絶交呢?

父親剛在新年前入咗6日醫院, 母親肥胖到往醫院探望父親時上落巴士,小巴都極之困難. 在醫院見到有關心臟病之海報, 我就用妳講的"食紅豆冰"理論同佢哋講血管被脂肪包圍引致心臟病, 但係佢哋都全無反應, 唔通真係要發生"大鑊"嘢才會反省?

Dora
匿名說…
Cynthia & Dora,
因為佢地對營養師有許多誤解, 以為你地幫唔到佢. 其實我當初參加計劃那一刹時都唸:我飲淡水都肥,你地點幫我呀!結果我是成功減磅(不過未達目標),當中有冷嘲熱諷的言論,冷眼旁觀的態度.要當事人能扺擋得了,才能踏出第一步,咁就海闊天空.(正如Cynthia話:就是人唔想改變--飲食習慣,生活習慣,每個人的型式已固有存在), 所以姊妹們要把我地的感受話俾朋友,家人聽:為了健康一時改變是絶對值得,減磅唔是咁難(要靠尚營坊,哈哈:容許我擦下鞋)可以是好輕鬆呀!!@!!因為我最近過年朋友就讚許你地的書仔幫到我地好多對兌上的難題呀!
匿名說…
Dear Cynthia :>
雖然我不是你的客人,但我真的很欣賞你,從客人給你的留言,從你的稿件,真感受到你對她們的關顧,有點羡慕呀!因為我的體重算是標準吧!唯有多看你的專欄,一邊默默支持著吧!

2年前一直追看你專欄的讀者Apple
匿名說…
Dear Apple,
我地真是要替營養師申冤呀!因為佢地經常俾人曲解,以為佢地只是想搵錢並非真心幫人,但是經過親身感受后, 體現尚營坊對待客人的誠意及心意,如果香港地有多些似你地咁樣的公司,就無咁多呃人的減肥公司啦!
Clara
匿名說…
我記得Cynthia曾經問過我點解對佢哋有信心? 我話比佢知我聽完講座後,仲係第一時間約見營養師減肥的. 正式原因我一直冇同佢講,係因為佢嘅"無私"! 因為佢在講座上,佢嘅文章上,以及呢個blog上,都將啲營養知識用生動嘅方式講比大家知,始終呢啲都係佢嘅"生財工具"嚟,佢絕對可以保留只講解比嘅客知道!

當你成為佢嘅客人,你會體現尚營坊各位對待客人的誠意及心意! 因為Cynthia唔單只係我嘅健康顧問,佢仲照顧埋我嘅心理病,當我因為唔開心引致食物唔吸收,佢同其他兩位營養師Josephine & Thomas夾埋"糟"肥我(其實係令我回復正常). 我相信其他減肥公司會認為個客瘦咗真係好喇,快啲達標. 但係佢哋係真心幫人,唔會比客人盲目咁瘦,同埋唔健康咁瘦囉!

就因為上述嘅原因,我的好姐妹要減肥,我不容置而地介紹佢比Cynthia!

Cynthia:呢啲就係我"兩脇插刀"嘅原因!
我好鍾意睇你既專欄,又買左你既書~!但最鍾意都係你d貓, 肥得好可愛.
我新年減左10磅,不算太辛苦,keep左一個月啦, 多謝你既意見呀!
因為自己參加體重級別既運動, 所以近幾年減左好多次肥, 都好想同人分享下自己既經驗呀!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。