跳至主要內容

新品上市--好好味

今日是列行行超市日,又俾我發現新產品,大家覺得佢似咩呢?

我攞住個新產品,周圍去問人知唔知佢係咩,有人話佢個樣似李子、又有人覺得佢似泰國茄子...你話呢?唔好偷睇答案住,估吓先啦!

俾D貼士先,佢係外國長大,而家移民香港,有D人覺得佢甜,有D人食完覺得佢酸溜溜,但我就覺得好好食,仲一次食咗5粒添!話時話我覺得佢係混血兒囉!

開估喇!佢係BB版嘅無毛奇異果,好方便,因為可以連皮食,佢嘅營養價值呢?就同普通奇異果差唔多,但係每一盒就有96卡,所以1盒,即9-10粒已相等於兩份生果。

有緣見到的話,就試吓啦!

留言

匿名說…
我真是第一次見,在加拿大和法國都未見過。好可愛喎!Glendy
匿名說…
i love kiwi, where can I buy it?
匿名說…
探子回報: CitySuper $30, 吉之島應該平少少!
嘩食咗人隻車咩!我係吉之島買,$16.9咋!
匿名說…
那我去吉之島買盒試吓,即可以吃四至五個當一份生菓啦! Glendy
匿名說…
我今天在九龍城百佳買到, 18元一盒!!
匿名說…
ha ha! 我就係知道高檔超市賣咁貴, 所以忍手唔買, 點知原本吉之島平咁多!! 作為一個精明嘅消費者! 我梗係等其他探子回報, 格價後再買嚟食喇 :-P
匿名說…
我買了兩盒試了,我覺得好食喎!連媽媽也謂好食,但可惜比一般正常的奇異果貴。 如果平些便好! Glendy
我有個客話街市有時有得賣,10元有找!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

適合戰友的乳酪

早前,消委會測試過市面上的乳酪,發現很多都高糖,但我相信跟咗我多年的讀者們,都應該知咗好耐,無辦法啦!咁酸,係要加多D糖先容易入口,但其實留意糖份之外,脂肪量也不能忽略,我選了這堆,戰友們可以安心吃的.