跳至主要內容

我keep fit 成功

MOO語錄:

各位朋友,有無掛住我呢?近幾日主人忙到飛起,每日放工返屋企個樣好似我個朋友熊貓仔咁,但係佢好勤力,仲晚晚同我及細佬跑步,所以我個身型幾fit,唔知大家既減磅進度點呢?

主人成日話,只要努力,好多原先覺得無可能的事都會有成功的一日,但未開始前就判斷自己失敗,目標只會越來越遠。

這幾天,主人認識了多位新的減磅戰友,佢哋都對主人寄予厚望,所以佢都有好大壓力,可能你會覺得,都入行十年啦!有咩『大場面』未見過,但是主人實在太『上身』喇!佢好鍾意諗嘢,於是放工又諗,返工又諗,壓力就是這樣產生,但唔緊要啦!壓力是推動力嘛,好彩有我同細佬,得閒同佢減吓壓,好好多架!所以千奇唔好以為我哋成日攪住主人做功課,其實我哋D喵喵對主人好重要架!

大家努力啦!將困擾你哋D肥膏交俾主人就得喇!我同細佬都係咁架!

留言

匿名說…
Moo 仔,你好呀, 好耐冇見喇, 恭喜你"瘦咗又靚仔" 咗喎! 快啲同主人講叫佢post埋米路仔keep fit後嘅靚相係呢個blog度喇! 比大家知道, 佢除咗幫人keep fit係專家外, 幫貓咪keep fit 都咁拿手!

不過你哋兩兄弟要有心理準備, 到時佢就會比人情商去"海浪公園"(唔係幫動物減肥喎, 而係留在熊貓館做"詩詩"; 頂替安安,佳佳, 樂樂,瑩瑩喎!)叫佢多啲休息喇!
匿名說…
Good idea! 熊貓是受保護動物, 到時"詩詩"都是受保護動物啦!
匿名說…
小妹有問題請教, 點解每日到下午4:00-5:00就好像食白粉咁眼瞓,是咩原因?有物解救方法?謝謝!
Maggie Chan說…
Attend your seminar at Jordon last night and learned a lot from it. But you seems a bit tired. Take care and have more rest.
匿名說…
小妹都聽了昨晚的講座,雖然你真的有點累,但講座十分精彩,我以後會日日追你個BLOG同你個專欄:>
匿名說…
熊貓"詩詩": 連新朋友都感覺妳有點累, 妳話死唔死?!
一於星期六放工後快啲回家叉電, 星期日去睇番套"Gu Gu the Cat" relex 吓喇!
匿名說…
MooMoo好可愛~>//w//<
恭喜瘦身成功~ (握手
看你的blog另一個樂趣就是貓咪們~
我都好喜歡貓~ 可惜家裡不能養~

Cynthia身體要緊~ 要多點休息啊~ ^^

Echo
匿名說…
熊貓"詩詩”你要似國寶咁肥肥白白之得架,唔好同Moo兩兄弟一齊減肥啦!
Clara
匿名說…
我是你的小讀者,想問吓你幾時有新書出呀?因為剛買了你的新書,通宵一晚就睇完,唔知點算!你真係要多D休息呀!如果唔係每個禮拜無得睇你D專欄都唔知點算!
多謝關心,因正趕新書的工作,或許有點累吧!但不要緊,我有好多有營養的補品嘛!我是工作狂,只要有工作在身,就ok喇!
匿名說…
Hello Panda Cynthia,

Why are you still awake at this time of the night (2.15 am!) answering the blog? I think "有營養的補品" cannot help much if you don't get adequate rest/sleep.

Both your clients and cats need a healthy coach. Take care!

Wendy

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。