跳至主要內容

儲得1個得1個


又有多10個喇!好多謝來自五湖四海的朋友、素未謀面的讀者、積極減磅的戰友,你們的同心協力,換熊仔行動可謂邁進一大步,成功超越40大關,距離100個帶睡衣熊返屋企的日子不遠。

點解揀睡衣熊,好簡單,因為見佢換哂睡衣,提醒自己唔好做咁夜嘛!上個禮拜,有位戰友同我講,見倒旺角有睡衣熊賣,佢問我會唔會買,我當然要多謝佢幫我留意啦!但係我話:『有D事,係享受那個過程,結果當然重要,但若果沒有過程,那結果就唔寶貴喇!』係咪有d玄...

好似儲印花嘅過程,你會知道,有人睇我個專欄先上到我個Blog,先知道我儲印花,作為一個專欄作者,希望透過那個小框框,將自己的經驗,所見所聞同大家分享,希望大家能輕鬆學習營養,有健康嘅人生。知道有讀者支持自己,是榮幸的,亦十分感激。

近日工作真的有點忙,或許是夏天,人人趕著同大肚腩講再見;又有很多講座,仲要趕新書吧!但大家放心,我個人除了多嘴,鍾意講野外,寫作是我另一興趣,只要有人睇,我一定會繼續努力,寫更多或者令你會心微笑的文章,無論如何,萬分感激。更多謝多年來,曾以電郵、書信、小賀卡及禮物支持我(唔住)嘅讀者朋友。
儲得1個得1個...是印花,也是讀者... :)

留言

匿名說…
唔駛咁客氣喎!睇吓幾多朋友愛護妳,咁妳唔好捱咁夜喇!明天賞多妳2個印花!
匿名說…
又儲熊又養貓 = 夜睡的熊貓
匿名說…
你可影張熊仔家族給我們開下眼界.
匿名說…
睇你嘅文章好開心,接觸你嘅文章,是朋友的推介,朋友告訴我,am730有個營養師d文章寫得好出色,初時覺得奇怪,營養師咪話比你知d食物有幾多卡路里,點會好睇,頂多只係好多知識,後來我睇睇吓,覺得文章好親切,雖然唔認識你,但可以寫到這樣有心的文章,作者必需有心,所以能擁有這麼多的讀者,是你的努力,支持,有時間出多D書,我一定極力推介給所有朋友!
匿名說…
hope u are able to reach your goal soon~
我個人好知足常樂,而家已經好滿足。
伴娘說…
我也是看妳在免費報紙的專欄而認識妳的, 後來發現妳這個blog, 也非常喜歡!!! 期待妳的新書呀^^!

6月的講座我第一次出席, 希望能夠見到妳啦!
匿名說…
難得的好作者,永遠支持,真心的!
看你的文章已兩年多的melanie
匿名說…
我是你的讀者,但是冇話俾你儲我喎,吾通你是集郵XX. 哈哈............
Hi Sandy,
多謝你的貼紙,已經收妥,感激!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。