Hi Hi ! 大家好，好耐無同大家傾偈喇! 有無掛住我呢?你哋減磅成績點呀?不如我講吓自己嘅情況俾大家知啦! 主人噙日捉咗我上磅，原來我輕咗0.5磅，我都唔知幾開心，即刻喵咗主人幾下，仲擦下擦下主人隻腳，最緊要係用我個可鄰樣凝望咗主人兩分鐘，佢就抵受唔住引誘，俾咗兩粒三文魚粒粒俾我食喇，你哋話我叻唔叻呢?
好多貓同人都想知我點減肥，唉!咪多得我個營養師主人囉! 佢話真正嘅減肥，係要減脂肪先算減到，控制飲食，主要係唔想身體間能量銀行太多儲備，做運動就幫手用下囤積嘅$$(即係脂肪)，所以就要雙管齊下，少一樣都唔得架!所以主人日日都迫我跑步，點解用個迫字，因為主人成日攞住包零食引誘我，我咁為食就被迫跟住佢跑囉，點知跑到死死下都無得食!
唔緊要啦!我知道主人都係鍚我，唔想見到我有病先減磅，你哋都係呀!主人成日囉唆又長氣，都係想大家快D改善體重，有個健健康康嘅身體啫! 減肥過程只係短暫的，成功過後換來的喜悅及健康就陪住你啦! 大家努力呀!
留言
Keep it up.
WS