跳至主要內容

每日一篇


哩兩日發覺，原來當D電淨番1格嘅時候，真係會唔知自己做緊咩!個腦又便秘，唉!一言難盡!
雖然我會去充電，但係我打算唔會唔記住大家，所以我決定，同大家一齊往外跑，為大家個大腦充下電，所以我將會每晚一篇Blog，將往外地的所見所聞，大小事物都同大家分享，有時間就上吓尼啦!
次次執行李大細毛都霸住個喼，為免佢哋唔開心，我都已經同佢哋講咗我要去叉電喇!仲會買好多嘢俾佢哋食，各位戰友，你哋d衫呀,化妝品,面膜嘅清單已經帶咗，唔駛擔心，希望這次充電後，有更多寫作靈感啦!將更多精彩文章帶俾大家!

留言

匿名說…
希望你可以完全放鬆，等著你回來，帶給我們更多好文章!
10/21/2009 01:41:00 上午
匿名說…
叉滿電呀!大家都需要你!!!
10/21/2009 01:53:00 上午
匿名說…
解點你大細毛咁有靈性! 我最近俾個女激到頭頂出煙!!!! 無論怎樣, 好好放鬆一下,享受外遊的開心,等你返黎呢分享旅行的開心, 見聞. Clara
10/21/2009 08:52:00 上午
Starry說…
會唔會介紹下日本的健康小吃及拉麵? 唔健康的都可以介紹下, 等我地可以注意下.
10/21/2009 09:50:00 上午
匿名說…
好嘢！上次你去旅行，悶咗我成個禮拜！玩得開心d啦！
10/21/2009 10:16:00 上午
匿名說…
哈哈！我隻寶貝女[狗狗]同大小毛一样，一見我拎個行理箱出來就行埋去比個悶相我睇！
Dog, Cat, 真係有性架！
10/21/2009 11:08:00 上午
匿名說…
淨係我張清單都咁多嘢喇, 妳個行李箱咁細, 點夠擺呀? 唔通妳諗住寄"宅急便"比我? ~戰友1號
10/21/2009 01:59:00 下午
匿名說…
快d番喇！好多人掛住你架！仲有呀！下個星期份專欄交咗未，如果唔係大家又悶悶不樂架！
10/21/2009 02:46:00 下午
匿名說…
又返鄉下?!
你就好啦~下次可唔可以帶埋我去呀???
10/21/2009 03:11:00 下午
匿名說…
Cynthia,不如下次組團去旅行啦!!!
10/21/2009 03:35:00 下午
匿名說…
不如攪個FANS CLUBS!!
10/21/2009 04:08:00 下午
Starry說…
好主意呀,下次成班戰友一齊去啦,你做領隊,帶我地食得健康,玩得開心,買得放心呀!
10/21/2009 04:50:00 下午
匿名說…
唔好掛住我哋，咁樣你會玩得開心D:)
10/21/2009 04:59:00 下午
匿名說…
Just enjoy yourself and relax! Need not bear the burden of writing the blog every night during the trip unless you can't wait till returning to HK. We are understanding fans and can wait.

WS
10/21/2009 05:41:00 下午
匿名說…
係啦！唔好咁辛苦，叉多少少電，如果唔係點繼續寫好文章呢！
10/21/2009 06:50:00 下午
匿名說…
今晚多謝你的分享，講座可用難忘形容，真的沒想過悶悶的題目可以被你演譯得如此鬼馬，不得不留言鼓勵！
10/21/2009 11:24:00 下午
匿名說…
贊成有人提議你組美食健康旅行團~
你仲可以出健康飲食旅遊書添~
介紹健康好食又好玩的景點呢~
今次好好relex 下吧~

tomato
10/22/2009 02:14:00 上午
匿名說…
你好~~我叫karen呀
我一直都有留意你既專欄!
亦知道營養學越黎越多人關注,所以自己都有興趣修讀LEE科。
請問你知唔知香港除左普通大學有得讀LEE科之外,有冇一D TOP UP DEGREE或者課程有得修讀架?!
另外仲想問營養師係咪要考一個國際牌架??
希望你可以比D意見我呀~
karen_kks@yahoo.com.hk
10/22/2009 10:35:00 上午
匿名說…
你番鄉下帶咁細個喼邊夠呀! 不過而家d日元咁貴....都未必買到d咩野. 你玩得開心d, 食多d野,番黎再比我地d有各種藉口既戰友激下啦!
10/22/2009 10:47:00 上午
匿名說…
下...原來可以比清單你架..我知道得實在太遲靭...:(

Ms. C
10/22/2009 12:30:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多