營養師黃凱詩的生活點滴

2009年12月12日星期六

9個臭皮匠>3個諸葛亮

人哋話:『3個臭皮匠勝過1個諸葛亮!』我哋有9個臭皮匠咪即係有3個諸葛亮囉!

淨係得我一個腦又點得呢?前幾日,公司同事一齊腦震盪,為下一年嘅新講座構思,我哋一齊哈哈笑咁,一邊食一邊傾囉! 成塊板都寫滿哂新點子,仲要加多張紙,經我哋D小宇宙研究過後,我哋決定... ...都係賣過關子先,總之大家都係認為,減磅鬥士仍然對瘦身減磅存在很多誤解,所以都唔會離開尼個題目,但裡面的細節,即係希望大家開心笑嘅部份,會180度變,唯一希望唔變嘅,都想大家輕輕鬆鬆,開開心心咁聽。

經過2年來這200多場講座後,我發現香港人一般太收埋自己,經常都放唔開,亦缺少了幽默感,有時見到大家想笑又唔笑個樣都好搞笑,做咩啫!好笑咪笑囉,開懷地笑,係放鬆心情嘅一部份,就當逗我開心囉,人哋安排咗個笑位你又唔識笑,我都好慘啫!

星期三那場,是那個舊講座的最後一場了,老實講,滿咗好耐,不過而家加設企位,如果你都想同我哋開心咁玩噃一晚,又唔介意企的話,就Call金美報名啦! 2891 0920呀!

2010年新一輯講座已預定了時間,如果你唔理我講咩都尼支持,都可以book咗先... ...

2010年1月6日(星期三)-晚上7:15-8:45-銅鑼灣中央圖書館地下1號活動室
2010年1月12日(星期二)-晚上7:15-8:45-佐敦柯士甸道童軍中心1030室

9 則留言:

匿名 說...

我都有去過講座,真係可以開懷大笑,新講座也一定支持!

Starry 說...

我得閒一定黎支持你架~會唔會有參與奬呢?

匿名 說...

哈哈~放大左張相,
偷睇左你的新點子,
好些內容都好有興趣呢~
但細果張紙就睇唔到啦~
好期待你的新講座~

最後果場我報左啦~
但你第一場新講座我就唔到時間,
唯有睇下第二場可唔可以請到假啦~

tomato

匿名 說...

有時候覺得,簡簡單單講一個講座,對你來說是十分簡單,但你卻偏偏用這般多時間去構思,這一顆心是不容易的,我相信這是你能擁有這般多FANS的原因,1月的講座,我必定參加。

Joyce

匿名 說...

只係想跟你說聲加油!
fanny

匿名 說...

你真係好勁呀!講咗令所有人都投入!

匿名 說...

努力, 加油!!

匿名 說...

我都好想去支持你,聽你的講座,但奈何沒有星期六的時段呢?我之前也有提過意見,但此終也沒有星期六的講座。希望在未來的日子,有機會參與你的講座,一次也好。謝謝!

Cynthia (黃凱詩) 說...

成日叫我加油咪好肥囉!!!!!講笑啫:)多謝哂!!!!