草蜢比食物更吸引

家有肥貓的貓奴們，你們的貓咪終於有望修身成功!

昨天，簡直是開心大發現，放工後，去寵物店Shopping，諗住揀件玩具俾大細毛，等佢哋多做運動，減下個肚腩，最後揀咗佢!一隻草蜢!

千奇唔知睇少隻草蜢，米路仔一見倒，異常興奮，我第一次目睹咩叫做咬住唔放，足足咬住15分鐘，驚死大毛搶佐，後來為咗測試吓佢點先肯放，我攞住包佢最鐘意嘅零食係佢面前揚來揚去，佢竟然繼續咬住唔放，於是再將引誘升級，俾1湯匙乾糧一試，依然唔肯放，唉!都好，件為食貓減肥有望喇!所以今日再用草蜢同佢係屋企狂跑，竟然跑咗10分鐘，milo好叻仔，應該可以減肥成功!

俾條片大家睇，等大家輕鬆過weekend啦!我今個星期就要努力閉關寫書喇!

今晚揀咗哩本書，Good Night!

留言

Starry說…

好可愛呀!!!

12/12/2009 01:30:00 上午

匿名說…

成日都覺得你個人真係太好了，無論對我哋D戰友同你兩隻愛貓!佢哋實在太太可愛了!

12/12/2009 01:39:00 上午

匿名說…

俾你嘅貓貓笑死我，實在太可愛了!
yeung

12/12/2009 01:50:00 上午

匿名說…

不如介紹下你在台灣買了什麼書吖？！

12/12/2009 09:50:00 上午

匿名說…

又要寫書呀!要加油呀!但都要休息呀!
Joey

12/12/2009 04:09:00 下午

匿名說…

其實你都有時會冷落左2隻可愛貓咪,因為你太忙啦!

12/13/2009 07:29:00 上午

匿名說…

Milo should do more exercise. He looks much fatter than Moo (his neck has "disappeared"). I hope that this grasshopper can help him.

WS

12/13/2009 04:31:00 下午

Cynthia Wong(黃凱詩)說…

冷落咗佢哋？我都算係咁喇！好多時一返屋企衫都未換就同佢哋玩，我變熊貓都為咗陪佢哋！好啦！少d寫blog，多d陪佢哋啦！哈哈！

12/13/2009 08:46:00 下午

此網誌的熱門文章

避風塘

茫茫人海，兩個人能夠相遇、相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材）上課地點：銅鑼灣謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數紙來29920146，但當然要寫上你的大名啦！快D報名喇！到時見！

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！

營養師手記

搜尋此網誌