跳至主要內容

燒烤大會實錄

唔知大家有無發覺,原來意志力可以戰勝感冒...

點解咁講,原因係幾日前,我已經發覺自己有D作病,所以狂隊三冬茶,日日奇蹟地瞓足8個鐘,仲做埋幪面超人,以防交叉感染,做咁多措施,一來想挑戰下自己的抵抗力,二來約咗大家去BBQ,病咗點算,點知個BBQ一完咗,咩嘢咳嗽呀...失聲呀...鼻水呀...頭痛呀,成個家族一次過尼探你,所以噚晚就罕有地無Update個blog囉,瞓咗半日。有時D嘢真係好奇怪,好日都唔病,講座聖誕收爐先發哂出尼!
好喇!講番噚日先,說實話,有點像小學生去旅行的感覺,你哋睇下張相就會明。(去相...)黃巴士!
另外,為咗令大家玩得開心D,我仲自己揀咗8份禮物俾大家,當然要夠幸運先有禮物啦! 知唔知我買咗D咩呢?我揀嘅禮物,一定係食得或者好實用嘅,首先我知大家聖誕節交換禮物,可能有機會會收到水杯,所以我決定同大家襯埋一套,所以有1個很可愛的甲蟲杯蓋同1個Bear bear熊杯墊,另外就係D戰友都食得嘅零食...
要健康咁BBQ,一定要有尼一袋調味料,係燒烤8寶,試過嘅戰友都讚架!
尼班朋友烤咩呢?大眼雞呀...我食咗3個紫心番薯呀!
見大家咁緊張,唔通中六合彩,原來玩Bingo啫!

一個活動,又點少得尼張相,好多謝大家嘅參與,只要大家再想玩,我都會再安排,經一事長一智,下次可以同多D朋友一齊玩。我記得細細個阿媽成日話唔好玩得咁顛,如果唔係小朋友會發夢或者病,哈...唔通我仲係小朋友,所以就病咗喇!

留言

匿名說…
妳個然聽話冇帶隻病貓出嚟同我哋一齊BBQ喎(否則, 星期六當日實叫妳自己一人一爐)!
快啲好番呀,如果唔係妳就知....(大隻累累,趺落坑渠):D
匿名說…
同你影倒合照,真係好開心呀!
匿名說…
唔記得多謝金美個愛人幫我哋影呢張大合照添!你知喇, 冇咗金美張大合照就唔完美喇!
匿名說…
唔知金美小姐有無因為做完"人肉內置大聲公"今日番唔到工呢?佢好可愛呀!又為大家爭取coke light. 高興與你,你既同事及戰友們一起bbq, 希望快點有下次啦! 祝你公司仝人身體健康&聖誕快樂!!!!!
匿名說…
好開心同大家歡度一個輕鬆,愉快的晚上,肥妹亦好開心(嘻嘻! 佢無唸過會有燒雞翼ga) 每天都好似機器咁在家里工作. 自從老公患上慢性病后已絶少參加此活動啦! 亦好開心可以再見到你. Clara
匿名說…
你真係好平易近人,還主動與我合照,其實想開聲好耐但女仔怕羞嘛!謝謝!
匿名說…
原來帶住個女女嚟嗰位係空氣中嘅朋友Clara 喎,妳好呀! 我係著粉紅色衫嘅Dora
匿名說…
很高興有這類活動,你準備的調味料真不错,等我下次買枝去燒烤先!
yee
匿名說…
真係好開心咁喎~
今次去唔到, 真係好可惜呀!

你快d好返,再攪下次聚會啦~
相信一班戰友會繼續大力支持你的~

^__^tomato
匿名說…
Hi Doar, 是否仍然非常苗條那位朋友? 你曾上個Cythina的講座介紹減磅及參加毅行者那位? 哈哈!好高興認識你呀! 希望下次有活動再與你交談!!
Clara
匿名說…
Hi 空氣中嘅朋友Clara 妳好, 我仍然 keep 住磅數冇反彈呀(就快 2年喇)!
下次尚營坊攪活動見到妳時再同妳傾計丫! :) Dora

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。