營養師黃凱詩的生活點滴

2009年12月30日星期三

另一hea點...

兩日無寫Blog,有D手痕,原先諗住有D疲倦,想早D瞓,但係都係敵唔過Blog嘅威力,好啦~就分享下這兩天的傑作啦!

相片係咪好靚呢?近排去街,都會帶新玩具一齊去,見倒咩都影,這兩天,過大海教了兩堂書,放學之後,就獨個兒周圍逛,好relax架,我都好鍾意澳門,因為我係葡國建築嘅lovers,所以特別喜愛這個地方。今次揀咗個好古式古鄉嘅地方飲咖啡,這裡是聖地牙哥古堡酒店,我坐咗成個幾鍾,下次去澳門又多一個好去處啦!

其實佢係一間5星級酒店,有D剛剛結婚嘅朋友,暫時無時間到外地,這裡是很浪漫的選擇呢!澳門其實都有很多好值得遊覽嘅地方。睇下我幾Relax,簡直係另一hea點!

去澳門又點少得食呢?雖然我知道大家戰友們正積極減肥,我唔係好應該引誘大家,但係我就係知大家俾我訓練有素,應該知如果真係要去嘅話,要點選擇,老實講,去旅行,又唔可以咩都唔食,好似我咁,好彩喉嚨痛已剩下3級的痛,已經可以正常食嘢,這家餐廳我必去的,好多人也認識,叫海灣餐廳,裝修好靚架,你睇下...係咪好聖誕呢?


我最鍾意係哩堆唔駛$$嘅豬仔包,都唔明點解澳門D包咁好味,我次次都食2-3個架!



雖然我唔係好酒之徒,但這一瓶酒,我係唔會錯過,佢叫Sangrio,係葡萄牙特色cocktail,真係好正,因為只有係澳門先有人做得咁出色,所以點可以錯過吖!


仲有佢,白烚菜,唔知大家同唔同意,如果d菜夠甜,白烚已經好得,如果炒的話,仲浪費咗d菜!

最後仲行咗去my favourite嘅澳門酒店,MGM,因為我知道Christmas嘅主題係熊貓,所以去咗影相,都幾得意啦!

如果放假悶悶地,去澳門行下啦!無香港咁急促,去hea都唔錯啦!

11 則留言:

Starry 說...

我好鍾意熊貓的....
好同意菜夠甜夠鮮既話, 唔駛加油白烚都已經好好味.
你識點食用包桂花乾嗎? 期待你既桂花新菜式, ^^
btw, 我幾時會收到份上訴得直既禮物? 可唔可以要求香草盆栽做禮物? 咁就食得嗅得睇得又玩得, 仲省回唔少調味料費呢~

匿名 說...

點解你去外地揀嘅地方永遠都是這麼美呢?我去過澳門咁多次都未曾去過這些地方!多謝你的介紹呀!

匿名 說...

你碟菜好似好好味喎!竟然有碟菜係見倒都想食!

匿名 說...

相中人好型呀!so cool!

匿名 說...

I like Sangrio too. I tried this the first time in Portugal. Last Sunday we 3 sisters finished a jar at Fernando Restaurant but all of us were a bit drunk after the lunch.

WS

Grace 說...

What camera did u use?

匿名 說...

緊係佢個新玩具啦!

匿名 說...

D 食物俾你影度好好食咁,靚相機係唔同嘅!

Starry 說...

好明顯係影相既人功力深厚先可以影到咁靚. 上次bbq都影得我靚左好多呀, 我仲回味緊呢~

匿名 說...

D相真係好靚呀~
一定係相機靚之餘,
重要有個好技術的攝影師啦~
你的攝影技術越來越好喎~
得閒除左要交流減磅心得,
仲可以交流下攝影心得呢~

tomato~

野蠻郡主 說...

D相真係唔錯呀....好!下次就去你推介既酒店試下...