營養師黃凱詩的生活點滴

2010年1月4日星期一

隔籬飯香??

隔籬飯香,莫非真係事實?

我經常有一種奇怪嘅想法,如果我當自己係一個到香港旅行的遊客,我會否喜愛這個地方呢? 於是我今日就嘗試做一天自遊行。

首先,陪個朋友去食蝦子撈麵,她愛上這個麵,自上上次的澳門遊開始,我帶她到六記粥麵,她一吃就愛上,見佢咁愛這個蝦子撈,就帶她去這家香港名店,食完之後,我問:好吃嗎?她說:毗方的較好,我吃了一口,沒多大分別,難道隔籬飯香?搭了1小時噴射飛航後,味覺就有一點點的失靈!

這隻小花貓,很可愛,見小朋友叫她做妹妹,相信是囡囡吧!

還有吃了薑蔥黑柏葉,不錯!


朋友問:點解營養師咁鍾意食嘢!很多朋友也有這個錯覺,盲目認為營養師叫人不吃這個不吃那個,就是不喜歡食物,其實應當是相反的,你愛那種東西你才會研究它吧!若果什麼也不吃,又怎告訴人該選那種食物呢?做什麼也要有分吋就好了。

跟住就俾D香滑豆花吸住,經常到澳門也愛找尋美味的豆花,其實香港也有吧!未吃過的朋友,這個值得推介,記住豆花及豆漿也是一份肉類呢?

做得遊客,香港的夜景又怎能錯過呢?我由天光影到天黑,這個初學者+入門版的相機也不錯吖!最緊要係我無用脚架,足以証明我無少年柏金遜吧!這張很明顯是黃昏影的!


好多香港人也喜歡到外地觀看毗方的夜景,其實我們身邊的,也很美呢?學習吓珍惜身邊現時所擁有的東西啊!


今天這個旅程很圓滿,你哋睇下我個鬼鬼祟祟的樣子,又拎住咁大個袋仲咩呢?話說我去咗個畫廊,一入去就好鍾意D畫,跟住個負責人就走過來介紹下個畫家,佢話這個英國畫家是很年青的,只有28歲,於是我就話,唔怪得知佢同我的想法咁似啦!原來佢同我一樣年輕!Hohohoho...大家都唔知笑得幾開心,我帶咗幾多歡笑俾佢呀!由於我實在太愛他的畫,最後我買咗一幅,想唔想知我買咗咩畫呢?好容易知咋...明天上我office啦!
好喇!今日寫咗好多,明天是2010年第一個工作天,大家要努力呀!明天...唔係,係今日會是忙碌的一天,除咗meet下D戰友外,有個訪問同要做電台直播節目,要影相,再唔瞓會變熊貓...雖然我已經係!Good Night!

12 則留言:

匿名 說...

唔係你的戰友,
咪冇得睇你那幅年輕畫家的作品羅?
唔....
好失望添.....

tomato

匿名 說...

你今天去的店在我公司附近,
那兒的薑蔥黑柏葉的確很好吃~

不過係咪個個營養師都仲意食野我就唔知啦~
因我有次同我的營養講起佢竟然唔知呢間店呢~
你真係要比個地址介紹你同事去試下呀~

tomato

匿名 說...

wowowowow!!點解你D嘢咁吸引架!個Gallery嘅畫好鬼襯你haha!

Starry 說...

如果你張新poster入面既照片換左做呢張, 應該回響幾大........哈........超鬼馬..........

匿名 說...

我都覺得你越來越可愛!鍾意死人喇!

匿名 說...

張相唔錯吖!真係唔似三分鐘熱度:)

匿名 說...

hi, where is the shop? pls inform. thanks. stephanie

匿名 說...

點解豆花弄豆漿係肉類既??

匿名 說...

麵店係劉森記, 在深水埗桂林街& 褔榮街都有!

匿名 說...

請問個畫廊係邊? 我想去睇呀!d畫好靚!謝謝!

匿名 說...

啲畫係起海港城‧美術館(海港城2樓~往faces的方向)樓上一層係sony 電器.

Miu 說...

貓貓叫豆豆呀,佢之前被車撞到左邊隻後腿,而家好返再出來睇舖咋~