跳至主要內容

新年好!

中國人新年的習俗有時間真係好有趣,剛才11點半左右,同朋友行商場,走到去鞋部嘅時候,見倒一班年輕人正在揀緊鞋,阿A同阿B講:試快D啦! 仲有半個鐘咋,新年唔可以買鞋架~跟住佢哋就一個箭步跑去俾$$,點知有10幾人排隊,最後點...我無再八卦喇!

跟住我又去咗一間Coffee Shop,坐隔離有pair男女,又傾緊運程等問題,佢哋話佢哋個老細好鬼迷信,話今年紅色對佢有利,所以將全公司嘅file都轉哂紅色,我聽到後,唔知點解笑咗好耐。

講開迷信,有睇我個專欄嘅朋友應該知道,我有個friend,又係超迷信,因為個相士話佢今年要窈窕D健康呀財運呀先會好,所以佢決定減肥,唉! 尼句說話我講咗10年佢都無理我呀!

好啦!見今日大年初一,黃詩詩都贈大家幾句,今年屬鼠、牛、虎、兔、龍、蛇、馬、羊、猴、雞、狗及豬的朋友,今年保持標準體型便會健健康康,而且,今年大利與水有關的活動,只要每天出點汗水,就會百事順景。Hahahahahaha! 最重要係...笑口常開!

不過我都係恭祝大家心想事成或者從心所欲啦! 你知啦! 有些朋友想增磅、有些想減肥、有些想fit一世,各有所需嘛!

仲有呀! 今年係milo and Moo嘅年,你哋睇真d吖,佢哋係虎紋架,所以佢哋都想同大家拜年,milo話希望大家好似佢一樣成日都咁得人鍾意!

毛毛就恭祝大家成日都咁醒醒目目啦! 生生猛猛!

留言

匿名說…
恭喜發財!

祝妳及各位同事們心想事成!笑口常開!步步高陞!財運亨通!最重要係身體健康!更祝尚營坊生意興隆!

Christy ^_^
Unknown說…
我都祝大家心想事成,事事順景,黃詩詩就要身體健康,最好一日變多12個鐘俾你……^^
仲有呀,老毛虎又稱「大貓」,所以今年真係「毛毛」年沒錯
匿名說…
Dear Cynthia & all her fans,

Happy Year of the Tiger! I wish that all of us be happy, healthy and fit to work and play.

WS
匿名說…
黃詩詩,祝你虎年虎虎生威,越來越型,Fans人數步步高陞,恭喜恭喜!
Sue
匿名說…
早晨早晨,祝你龍馬精神,恭喜發財!
匿名說…
Wish everyone happy, healthy, wealthy (in heart as well ah) in the year of Tiger and throughout all our life forever! Stephanie:)
匿名說…
Wish you all the best in the year of tiger!
Winnie
匿名說…
祝你及各位粉絲們新春行好運步步高陞,但好緊要係身體健康!
穎琪

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。