跳至主要內容

溫馨提示一則

想問吓大家,你哋今日去過小解未? (你傻咩!成5點,仲未去過)

當你哋辦完事之後,相信一定會洗手啦!(嗱!唔好話我知你哋唔洗呀?!)


咁行去洗手嘅時候,你會A. 先攞梘液 定係B. 先用水洗手呢?

俾幾分鐘大家回憶下...順便俾隻企鵝仔大家睇下先!


如果你嘅答案同我一樣係A,咁我諗你一定要改下你個壞習慣,話說我剛才去洗手間,準備去洗手嘅時候,我就唧咗D梘液啦,點知...個水喉竟然...無水,吓! 唔係啩!咁大整蠱,於是我唯有滑住滑住咁飛返公司打水囉! 所以故事告訴大家,洗手嘅程序應該係先打水,後唧梘,再洗手!

留言

匿名說…
你洗唔洗咁攪笑呀~~!!
匿名說…
抵死得你吖!剛好鬼咁眼瞓,諗住睇完個blog先瞓,家陣笑到醒哂啦!sing
匿名說…
唔怪之得妳一定要我睇妳個blog而唔肯講喇, 原來真係....好抵死! :)
匿名說…
喂!不如你去學下度喜劇稿吖,應該有天份!
匿名說…
哈哈哈哈, 唔多似企鵝
不過好cute呀!!~
匿名說…
太好笑喇!!!
匿名說…
我重以為你會分析比我地知~
應該用方法B的原因係~
先用水弄濕雙手再取梘液~
那會起泡起得好d~
同埋乾淨d添~
真係估你吾到^^
匿名說…
看完這則笑話,成個人充滿正能量,等我forward俾朋友一齊開心下先!
匿名說…
:o !!救命!笑到喊!想點呀你!
匿名說…
你同許冠文&林海峰係咪friend嚟架????
匿名說…
可唔可以換你個腦俾我呀?!
匿名說…
講得好啱!
匿名說…
嘻嘻!!今日又有專欄睇!都好好笑!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

選擇障礙

今次,我終於明白咩叫選擇障礙... 一個星期前,我同大家玩咗個心理測驗,問大家生日嘅時候會揀咩餅?身邊的朋友都異口同聲話,原來都唔知點揀好。我都好明白,有時無得揀又唔高興,但當有得揀就仲煩,但當選擇多到成100種嘅時候,更加唔知點算?! 有睇我個Blog嘅朋友應該知道,一個月前,我係日本睇中咗一部單鏡反光機,但最後都無買,番到香港,d戰友紛紛問我,吓?!無買呀!做咩唔買呀!個相機咁cute!!唉!你哋真係好鬼衰,明明好辛苦先放棄咗,而家又攪到我囉囉孿! 好彩!我有個好好好好人嘅戰友係日本啫,仲咁啱有個friend月尾會去日本,哩d係咪叫緣份呢!但第二個問題又難到我,成100種配搭,我而家有好嚴重嘅選擇障礙,點攪呢! 個網頁好好玩,幫你襯色慢慢揀,幫下手啦! www.camera-pentax.jp/k-x/#/simulator/120101