營養師黃凱詩的生活點滴

2010年2月26日星期五

尚營坊烹飪大賽


昨天,是尚營坊烹飪比賽的大日子,有咁多好嘢食,點少得大家一份呢?你哋睇吓我個為食樣,係咪同我隻肥貓MILO好似呢?

雖然你見我個開飯喇成日介紹外出進餐嘅好餐廳俾大家,但都要照顧下鍾意玩煮飯仔嘅戰友啦! 作為營養師,點都要有幾味私房菜傍下身,所以我就決定攪個烹飪比賽俾大家切磋一下,這一味是蘆筍百合炒牛肉片,最重要係有時大家都好炒下菜,唔通成日烚下烚下咩!


跟住尼個...我相信大家同我一樣,一睇落去就一定會話,佢個樣...好似...會唔會好嚡口呀?瘦肉點做肉餅呀?當然,營養師都有D竅門嘅,好簡單...就係將馬蹄同冬菇切粒,跟住加1.5包燕麥糠,佢哋就可以將水同肉汁吸吸吸吸住係肉餅裡面,咁就唔會嚡啦!


哩個簡直係這幾天濕濕熱熱嘅良伴,最重要係個竽絲+和風汁,絕配。


最後這個是闊太之選,又大蝦又帶子仲有蟹柳,咁高貴嘅海鮮冷烏冬仲唔係闊太之選。


仲有要加這個汁,酸酸辣辣,柚子黑胡椒汁也,Taste有售。希望大家鍾意啦!

7 則留言:

匿名 說...

咁....誰勝誰負呢????(睇完好肚餓tim)

匿名 說...

好開心呀!又有好食譜介紹,明天就做這個肉餅俾老公仔食先!
WING

匿名 說...

請問呢枝"柚子黑胡椒汁"的食用份量怎樣換算? 謝謝!

匿名 說...

今晚做了那個餅,加了燕麥出奇的腍及香!

匿名 說...

Luckily we have a dietician(s) in Nutracare who loves cooking and provides lots of recipes for healthy, low calories and tasty food. If not, the weight-loss process would be a painful and dull experience.
Thanks a lot!

WS

匿名 說...

所有人都係黑色衫......

匿名 說...

而家先問會唔會太遲
我想問問d燕麥糠起邊買架呢...