跳至主要內容

凡事...是有兩面的

今日,是星期天,原本是假期,但卻要工作! 朋友知道了,對我說:假期也要工作,真慘!

聽罷,想了一會,慘嗎?我倒覺得,多高與,能寓工作於娛樂,是多麼幸福呢?而且,我總認為,當做一件事前,一開始你就認定是慘,那就一定不高興了,何不努力地工作,開心地做,凡事總有兩面的!

星期天令我最興奮的,是可以吃到這一個麵,芫茜皮蛋桂花魚米線,實在太令人回味! 其實這個麵十分簡單的,自己也可以做,芫茜是一種又香又好味亦熱量十分十分低的香料,加少許鮮魚片就可以了。
點解今天要工作呢? 其實也不是什麼工作呢?只是要準備好食物,明天TVB週刊要影專欄的相片吧! 當然,食譜的照片,就要賣個關子了,明天再介紹,但這個是私伙,明天的午餐!
你估我要做什麼呢?
是一份全包宴吧! 還記得我正在減肥嗎? 仲減? 我知道你一定這樣問,沒辦法,夏天快到,要更Fit吧! 所以明天打算吃得簡單一點! 可能有朋友話,咁慘?又挨麵包,嗱嗱嗱! 剛剛才講過,凡事也有兩面吧! 你只要花少許心思,三文治也可以吸引的,你看看這片烚蛋先啦! (唔好睇我個樣,因為你一定會話個眼袋好大,無辦法啦! 瞓得少,不過算,本身又唔係靚~)
這不是一般烚蛋,是七成熟的溏心蛋,放入三文治,與平日吃的大有不同呀! 影唔倒添! 下一張好似有佢出現! 再扮吓嘢放入張錫箔紙裡,感覺好味好多,明天就放佢入多士爐,諗起都想食!!全包宴都可以好開心架!
這個又是什麼呢? 你估下,個麵得25kcal咋 (唔計隻蛋) !!
我知我成日講笑,但今次講真,因為佢係一個笱篛麵,佢係芋絲尼! 即係熱量超低的,是新產品,在莎莎買的,又是日本人的玩意啦! 今日食過都唔錯,但好貴囉,成33蚊一包架,真係食芋絲好過,仲有呀!熱量太低唔好成日食,最好加D菜同肉啦!
這個味較好食,酸酸的,唔錯!不過都係一個字啦,貴! 我前幾日介紹嘅真打烏冬都你$4.5一個啫! 係呀! 上幾篇介紹的烏冬,沙田同尖沙咀Citysuper的凍櫃有售,45蚊包有10個~
瞓喇!明天有講座,再唔瞓,個腦空白一片就弊喇!

留言

匿名說…
totally agree with u, i don't hv a bad feeling when eating bread only..:P
匿名說…
咁啱? 我今日又係全包宴喎! 我仲加咗青瓜片, 感覺仲好fresh 添! :)
匿名說…
多謝你一早俾D正能量大家!大家加油呀!
yoyo
黃C9說…
三文治都好好食架!我最愛包包....飽飽包吃飽!哈!我果日都係「超級城市」買左一款火腿,係紙盒裝,56蚊有好似八定十塊,我覺得都ok....你都可以試一試!
匿名說…
非常同意, 特別要對現在的年青人(80后,90后)講, 老是自怨自灸:功課好多!! 好難!!試問仲邊有心機去完成功課呢!因為有更多吸引的事物等著他/她去做,唉!這樣等於同自己過唔去, 做起來好似千擔重,那里有動力呢? 效果又怎樣好呢?
Clara
匿名說…
"當做一件事前,一開始你就認定是慘,那就一定不高興了,何不努力地工作,開心地做,凡事總有兩面的!"
好同意你呢句說話!~等我將呢句說話記實,用作支持及鼓勵自己先~
十個多謝你!!!!
匿名說…
這一兩星期我也很忙,星期六日也在エ作中度過。看過你的話,心情輕鬆了很多。謝謝你呀!! 大家都要加油!
匿名說…
本來不打算留言,但聽完講座,看了你的網誌,總想留幾句說話給你,你真是天才,無論是在講在寫,你也可以將道理,輕鬆地表達出來,聽過很多講座,但觀眾給你的掌聲真係可以叫雷動,請將這顆心延續下去,能夠將喜悅帶給別人,你是幸福的,不知你有否信仰,但願主祝福你!maggie
匿名說…
我想問....塊麵包咁厚..好開心喎!
係咩包來架!

我記得之前介紹過隻全麥包..但次次見到$14得2-3日內到期,但又好多塊,唔知點KO佢?
匿名說…
I am ur die hard fans, actually I studied nutrition before, n really love to read ur article ~~^^ What u post actually is what I used to eat :D, stm I even put cherry tomato (orange colour) with poached egg into my sandwich
匿名說…
he!睇完你個BLOG同聽完講座,有少少鍾意咗你!:)
匿名說…
哈哈~~好好味呀個包...
想問下個麵包咁厚既???係咩牌子黎嫁??市面上有好多唔同牌子既麥包,都唔知BUY邊隻好??仲有YO...想問下你D火腿係咪即係火雞片呀??我都好想買呀,但我搵左好多地方都冇,可否介紹凡知YO??

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。