營養師黃凱詩的生活點滴

2010年5月13日星期四

黃詩詩解籤(一)

等了又等,是黃詩詩教大家解籤的時候了。

來得這個網誌,已代表你是一個有營人啦! 竟然咁有營,就當然要識睇這個7月推行的營養標籤法的常識,以免下次有人問你1+7是什麼,你回答對方係8,那就醜死怪啦! 嗱~慢慢來,每次講少少,由淺入深,有我係度,包你7月前一定識用。

但未開始之前,想同大家講一樣嘢,營養標籤的出現,有時是不鼓勵大家左計右計,因為這樣是十分複雜的,最簡單的方法,是拿起兩種同類型的產品,例如大家都係餅,大家同樣係100克,就比較下兩種產品的脂肪及糖份,當然愈少愈好啦! 這樣做是最簡單的。

不過我知大家求知慾強,所以我會講得詳細少少!



以上這個就是標準的香港營養標籤,7月所推行的營養標籤中,食物的營養資料需以每100克或好似上圖咁,以每一食用份量表示。

其實,這種標示方法,有好有唔好啦! 大家都係用100克,比較嘅時候咪方便囉,但係想睇返自己食嘅有幾多熱量就非常麻煩,相反,以每一份表示時,要做比較時就困難D,因為有時每次食用份量係3片,有時又4片咁!

好...今日想同大家講,1+7其實就好似上圖咁,有能量、碳水化合物、糖、總脂肪、飽和脂肪、反式脂肪、蛋白質及鈉質喇! 以前原先有纖維同膽固醇架,最終都係無咗囉! 唔緊要啦! 按部就班!

10 則留言:

匿名 說...

真係等咗好耐喇!你好返未呀!好掛住你呢!

匿名 說...

麻煩哂詳細的解釋:)

匿名 說...

其實真係好鬼複雜,有時真係唔知睇邊個方向!

匿名 說...

請問能量常常見到有兩個唔同單位,怎樣計。steph

匿名 說...

1kcal =4.18kj :)

匿名 說...

1kcal =4.18kj ^^

Ching Yu 說...

多謝大師指點迷津!

匿名 說...

好心急呀!快d講多少少啦!yy

匿名 說...

多謝你無私的教導!

匿名 說...

想同你講好耐!真係好鍾意睇你個blog,學倒好多嘢!希望你早日康復啦!我會好支持你架!
wincy