跳至主要內容

不增磅的糖漿

講個秘密俾大家知吖,我剛剛,即係12點30分嘅時候,食咗個宵夜^^

但係我食宵夜嘅原因,唔係因為我肚餓,完全係因為你哋!! (你哋教我架,次次戰友偷食,例如:食咗件芝士餅啦!就話唔關自己事,係同事買啦!又例如食咗粒朱古力就話粒朱古力叫你食佢等等~~)

點解?事關今日行Citysuper嘅時候,竟然見倒枝Sugar Free糖漿,於是,即刻帶佢返屋企啦!

大家都知道,我唔係太鍾意食甜品,但哈根大師同格格餅係例外,但食格格餅,又點可以無咗糖漿呢?所以今次點都殺佢!

但介紹俾大家嘅好嘢,又未試點介紹呢?唯有食完黃媽媽正菜,返到自己屋企,再食格格餅,試下個糖漿,一開...嘩!好香呀!老老實實,唔講唔知佢係無糖,不錯,值得推介,所以冒住夜瞓會有熊貓眼嘅危機,即刻寫Blog! (因為早D瞓同遲D瞓...都係有熊貓眼啦~我驚無咗對熊貓眼大家認唔倒我)

由於佢1/4杯只有20Kcal,所以如果你一日只用1-2湯匙就唔駛換算啦!係咪天大的喜訊呢?

(Remark:低脂格格餅以前介紹過,都係Citysuper有售)


留言

匿名說…
如果呢有埋不增磅既花生醬就好啦...我最鍾意食花生醬+煉奶><
匿名說…
今早AM730都唔夠抵死, 應該寫埋"食咗排油丸"有咩尷尬事, 大家仲笑到碌地呀!

~昔日白老鼠上
匿名說…
你個人實在太可愛,仲成日話自己囉嗦,你都係用心良苦~anyways, 很愛你的淘氣!
匿名說…
睇完你今篇出唔到聲嘅文章特別開心!
匿名說…
don't forget, this "syrup" is just water + chemicals. really not good for daily consumption
匿名說…
我今日買咗,剛剛當宵夜一份五穀吃過了,實在太美,仲以為減完50磅先可重拾食班戟用糖漿的感覺,實在太滿足了!
匿名說…
係呀係呀!你無咗熊貓眼驚認唔倒你,呵~~
匿名說…
好有用...唔該晒你!

Vani

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。