千層麵的故事

有一日，一位朋友致電我:『我想做千層麵給老公，作為生日禮物，俾個驚喜佢，相問吓，是怎樣做的?』我當然就即刻話佢知啦：『我通常煮好個肉醬做料，芝士放中間做膠水，跟住當中夾住千層麵，放入焗爐再焗就ok！』朋友話：『原來咁簡單，唔該哂!』

45分鐘後，朋友再致電：『點解仲未得架，焗咗30分鐘囉喎?!』我諗來諗去都唔明，放入焗爐，芝士溶少少，千層麵變金黃色就可以。朋友再話:『千層麵仲好硬?!』死火，我諗倒咩問題：『想問吓你，你塊千層麵烚咗未呀?』朋友吃驚:『吓!你都無話要烚!』故事教訓我，原來對住d無飯煮婦，每一個step都好講得好清楚架~但係，個麵無理由未烚就攞去焗啩?!

個食譜送俾大家過聖誕，仲有送埋俾我這個烏龍朋友!