其實好耐好耐之前,曾經喺專欄同大家講過這個話題,但係我諗大家應該忘記咗,又或者個專欄無人睇過啦!哈哈!?但係近日實在太多戰友墮入這個陷井,所以我決定多提一次。
要知道邊種肉肥過邊種肉,有時真係唔可以睇外表,特別是煮熟咗之後,就更難睇,牛舌就係其中一個好好例子。
熟咗嘅牛舌,顏色係深啡色的,你唔會見倒有任何肥膏及雪花紋,所以係極容易被騙過的,但係若果大家多D去街市及超市,多D睇吓肉類嘅真身,佢嘅隱藏脂肪就會無所遁形,為咗令大家印象更深刻,所多角度咁影咗幾張相,等大家認住佢個樣~
D雪花幼紋係咪好明顯呢?來多一張,仲清楚!
佢有幾肥?平時成日食生滾牛肉粥的牛肉,100克(即二兩半)=120多卡,但係牛舌呢?就是224卡,當中有1湯匙油,好誇張架,所以大家真係要好小心呀!
小心隱藏脂肪呀!真係不知不覺肥死你囉!
早抖喇!我明天要做我最怕的事﹣影相~~仲唔瞓隻熊貓眼就愈來愈大喇!
留言
Ox's tongue is my favourite.
Is Pig's tongue similar? Higher or lower?
WS
Fanny
好驚呀!
我好鐘意食t3t