跳至主要內容

心想事成

我個人比較貪心,咩都想要,所以一句心想事成會比較百搭,其實用來恭祝大家都唔錯,大家都有自己的新年願望嘛!減磅戰友當然要減磅成功,愈食愈FIT啦!但係我唔會忘記我仲有好多積極增磅的戰友,所以,在大年初一的日子,就送上我在十分帶回來的天燈「心想事成」啦!仲有好似大小毛咁,喜氣洋洋,成日都無憂無慮~

不過都想提吓大家囉!小心D新年陷井呀!第一位應該係一大堆新賀年炸物,一隻油角都100多卡;仲有有隱形肥膏的瓜子呀~全粒百分百脂肪,唔好睇少佢囉!

仲有一連串的飯局等緊大家呢!前日因為記者會的關係,嘗試計算過一份新春飯局的卡路里,其實做咗營養師咁耐都無去計,因為我哋素來唔鼓勵計算熱量,但有時應特別需要都會計吓,但係一計之下,自己都有D驚,一餐由頭食到尾竟然可以係1700卡,一個成年女性一餐都係約660卡,咁樣就真係食3日就肥一磅啦!

所以呢!真係睇餸食飯呀!

昨天的新聞都放在這兒,在此多謝好拍檔Steven的協助及地球之友的邀請,使這個活動可以完成,大家記住喇!叫少D餸,對自己好D愛地球多D~

星島日報
http://hk.news.yahoo.com/article/110201/3/miv5.html

東方日報
http://orientaldaily.on.cc/cnt/news/20110202/00176_076.html

蘋果日報
http://hk.apple.nextmedia.com/template/apple/art_main.php?iss_id=20110202&sec_id=4104&subsec_id=3626368&art_id=14936910

留言

匿名說…
Many thanks indeed for your timely reminders. Wish you all the best in the Year of the Rabbit.

Fanny

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

酸酸地的雪糕

講明先,我絕對唔係想介紹圖中的乳酪雪糕,唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度,果頭食完台灣麵線同珍珠幼茶,前後唔夠一年,又換畫,成個街頭都係froyo,即係乳酪雪糕啦!但係面對這些新到產品,作為營養師,有時都幾懊惱,因為這些街頭小食,是沒有營養標籤的,最慘係佢哋成日以健康招徠,於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕,前者一定優勝D,因為佢哋都加有活性乳酸菌,對腸臟都健康D啦,仲可以增強抵抗力,但問題係,乳酪是由牛奶經乳酪菌發酵而成的,所以都幾酸,就係因為佢酸,大部份人都較難接受,所以好多時會加糖囉! 所以呢,佢哋好大機會陰D陰D甜死你。 我就親身用我個銀針口試過兩間,一間是上圖那間,另一間是自助服務的,自助服務那間是由美國來港的,美國的網頁,就有原味的熱量,每100克75卡,脂肪是0的,但有兩茶匙糖,如果Keep Fit朋友要食,1次食100-150克尚算可接受,不過佢都幾奸架,網頁只有原味的營養資料,其他口味呢,都沒有顯示,聰明人應該知點解啦! 但我頭先同車厘子講,佢就話唔鍾意這間,點解?好簡單...好酸囉,我食完都酸到震咗一震,但我都幾鍾意。 那間yogo,就沒有營養資料,但我的銀針口話我知因為唔酸,所以有機會多加了糖... 其實外國有一間叫pickberry,佢個網頁的營養資料都好詳細,可以參考吓,100克的綠茶froyo,110卡,糖份已有20克,即4茶匙糖,都好高糖架,其實大部份都係咁,仲要記住,大家一次唔只食100克呢?所以,量力而為啦! 戰友們少食少食為佳。講真,真金不怕紅爐火,如果真係低糖低脂,就話俾大家知佢嘅營養資料,咁大家咪可以做個聰明選擇囉! 忠告大家一句啦! 酸酸地...會好D!