營養師黃凱詩的生活點滴

2011年2月8日星期二

個橙甜唔甜架?

唔知大家有無試過,去街市買橙嘅時候問過檔主:「D橙甜唔甜架?」

佢點答你呢?我相信百分之九十九的檔主一定會答你:「包甜!」

好多戰友未開始減磅之前,都好鍾意問營養師一個問題:「減完之後,會唔會肥返架?」你估我會點答?你一定會認為我會話:「梗係唔會啦!」但我就係那種百分之一的檔主,我會告訴你:「這個世界是沒有一個永不復胖的減肥方法,會否復胖的問題核心是你有沒有改善你以往的飲食習慣吧!」講得簡單一點是,若果你在減磅時候乖乖的,但瘦身後便依舊暴飲暴食,沒有可能不復胖啩?!除非有病啦~

聽完你會驚驚,吓!咁咪係減完肥之後都唔可以食菠蘿包?!唔好鑽牛角尖啦!知唔知咩叫暴飲暴食呀?又唔係朝朝一個菠蘿包,間中食吓肥膩食物是沒問題的,放心,我都會食!可能有D朋友會問,咁成日聽人講一唔做運動就肥返,咁點算?

好!慢慢用邏輯思維想一想,你減肥時,好鬼積極,日日做運動食住1700卡唔肥唔瘦,即KEEP啦!但係減完肥,你就懶到一PAT泥咁,又食住1700卡,咁點會唔肥呢?所以我成日都話,減完磅嘅朋友,如果你間中都想食吓D肥膩食物,生活是必需保持Active的,這就是Keep Fit之道。

好啦!放完假喇!無藉口再超食了~哈哈!我同自己講的~食咗幾日之後,我的減肥大計再度開始,你哋都一齊努力啦!我今晚已經開始番減磅了,戰友們,知唔知如果你跟緊營養師的餐單,以下食物又點換算份量呢?明天揭曉!

圖一.(魚生底暗藏白飯)
圖二.
圖三.
圖四.
圖五.
明天再來這裡吧!

2 則留言:

匿名 說...

想問你有關營養師的問題誒

目前我要大學推甄選系了
但不知道以後當營養師的工作適不適合我

想請問你營養師很難唸嗎
現在營養師的工作趨勢如何


不好意思
如果不想回答也沒關係

匿名 說...

我今日去咗大戶屋食飯,撞唔倒你,好失望,希望下次見倒啦!睇咗你專欄好久了,未有機會見你呢!