跳至主要內容

大蘑菇可以做主角

佢係今日的主角,本來想即刻做放上來,但回家後發現愛貓米路仔有點不舒服,所以帶了牠看醫生,沒有時間再做,有機會一定放上來。現在就簡單說說吧!

大家都知道我很愛菇的,特別是蘑菇,除了因為佢個樣實在太可愛之外,佢又低卡又飽肚係另一個原因,上面這種,叫Portabella,大家慣常叫佢做烤蘑菇,平日只會在燒烤時先會記得佢,但其實佢大大塊,大家有無諗過佢可以代替嚿肉,放入個三文治呢?

一大隻Portabella,只得18卡,超低卡囉~仲有佢都好飽肚架!

好啦!準備好材料先啦!

炒蛋芝味蘑菇漢堡

材料:1 個漢堡包、1隻烤蘑菇、1片低脂芝士、1隻雞蛋
調味料:黑胡椒、鹽及食油

1.先將芝士切幼條,平均放在大蘑菇上,放於200度焗爐焗約10分鐘;
2.打勻雞蛋,加1/3茶匙鹽,燒紅鑊下油快炒,放於蘑菇面,再加黑胡椒;
3.將漢堡包焗脆,最後將大蘑菇作醃料即成。
4.當然你可加入蕃茄生菜令三文治更均衡。

好簡單又好食,快D買我個FRIEND試吓啦!

留言

Stella說…
都想像到會好好味^^
請問有關節痛的是否要避免食用菇菌類?
家人經驗每次食用過菇菌痛楚就加重?
請指敎^^
Stella說…
祝願可愛的米路仔快d好番^^
Dear Stella,
在營養學角度上,進食菇類與關節痛沒直按關係,但若果是患有痛風症,尿酸過高,就不宜進食太多,以免加重病情了。有心了,米路仔已打針及正服藥,現正好了一點點,仍在觀察中吧!
Stella說…
謝謝指導^^
要米路仔乖乖服藥相信都要花d心思!你一對寶貝能得到你細心照顧, 好幸福喔#^.^#
你自己亦要多多保重:-)

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。