營養師黃凱詩的生活點滴

2011年2月28日星期一

大蘑菇可以做主角

佢係今日的主角,本來想即刻做放上來,但回家後發現愛貓米路仔有點不舒服,所以帶了牠看醫生,沒有時間再做,有機會一定放上來。現在就簡單說說吧!

大家都知道我很愛菇的,特別是蘑菇,除了因為佢個樣實在太可愛之外,佢又低卡又飽肚係另一個原因,上面這種,叫Portabella,大家慣常叫佢做烤蘑菇,平日只會在燒烤時先會記得佢,但其實佢大大塊,大家有無諗過佢可以代替嚿肉,放入個三文治呢?

一大隻Portabella,只得18卡,超低卡囉~仲有佢都好飽肚架!

好啦!準備好材料先啦!

炒蛋芝味蘑菇漢堡

材料:1 個漢堡包、1隻烤蘑菇、1片低脂芝士、1隻雞蛋
調味料:黑胡椒、鹽及食油

1.先將芝士切幼條,平均放在大蘑菇上,放於200度焗爐焗約10分鐘;
2.打勻雞蛋,加1/3茶匙鹽,燒紅鑊下油快炒,放於蘑菇面,再加黑胡椒;
3.將漢堡包焗脆,最後將大蘑菇作醃料即成。
4.當然你可加入蕃茄生菜令三文治更均衡。

好簡單又好食,快D買我個FRIEND試吓啦!

4 則留言:

Stella 說...

都想像到會好好味^^
請問有關節痛的是否要避免食用菇菌類?
家人經驗每次食用過菇菌痛楚就加重?
請指敎^^

Stella 說...

祝願可愛的米路仔快d好番^^

Cynthia (黃凱詩) 說...

Dear Stella,
在營養學角度上,進食菇類與關節痛沒直按關係,但若果是患有痛風症,尿酸過高,就不宜進食太多,以免加重病情了。有心了,米路仔已打針及正服藥,現正好了一點點,仍在觀察中吧!

Stella 說...

謝謝指導^^
要米路仔乖乖服藥相信都要花d心思!你一對寶貝能得到你細心照顧, 好幸福喔#^.^#
你自己亦要多多保重:-)