跳至主要內容

限量版薯仔片

我打算在這裡發一次尋薯仔片的啟事！為何？

上面這包薯仔片，是戰友送給同事們的，我們試過後，十分好吃，比任何一個品牌更好，可惜．．．

我們往附近的超市找尋它的踪影，都是失望而回，戰友告訴我們，她只在屯門的taste見過，所以我想借助大家的力量，幫我找一找它的踪影，好讓需要零食的戰友可以找倒它！你知啦！又好食又健康的小食，真不知往那裡找！

如何健康？當然要符合低脂的要求啦！1包才是3克，可以接受，脂肪熱量佔整體的30﹪，最重要係，食成包才是1份五穀＋半份脂肪，一次過可以食哂，咁咪唔駛食一半又要收埋囉！而佢嘅鈉，算係可以接受了，只是一日建議量的9﹪！如果你想問我有無D無咁多鈉，有！但你唔會食囉！因為係完全無味，好似食紙皮咁！

記住喇！搵倒佢就在這裡或Facebook告知大家啦！謝～

留言

匿名說…
我係中環卓悅見到 , 仲有其他兩款味,
salt & pepper , BBQ 味 , 9.8一包 .
4/01/2011 01:39:00 下午
匿名說…
yes, 中環卓悅 basement.
4/01/2011 07:23:00 下午
匿名說…
hey...i saw dis crispy in TST 卓悅有 ( 加拿分道這間)
4/01/2011 09:22:00 下午
匿名說…
有以下問題煩請告之.
我丈夫53歲剛body check-總膽固醇係8.64.而低密度亦有5.99,三甘就1.76.血糖有6.1.化驗所告之係飲食方面改善.但我上網睇資料屬高危.真不用睇醫生食藥嗎?並係咪食麥皮係最快見效降膽固醇呀?tks a lot~~~
4/02/2011 11:15:00 下午
Sharon說…
Hi, I am from California. I bought this here at Trader Joe and Whole food. I like this chips too as the chips are prepared by baking instead of deep frying. Thus, the chips contain less oil and healthier relatively. However, it is kinda salty.
4/03/2011 10:55:00 上午
匿名說…
It has been discovered by me at Park'N shop in Wong Tai Sin Lung Cheung Plaza today. Two kinds of taste can be chosen.
4/05/2011 12:50:00 上午
匿名說…
中環卓悅同isquare 4樓都無哂貨啦，報告完畢
4/08/2011 05:33:00 下午
yin說…
今天在愉景新城百佳買到原味, 價錢牌標價8.50,過機竟然要10.90, 當然要出聲啦.
回家後, 急不及待試味, 唔, 味道比較淡,
比較硬, 但食完後, 感覺到有薯仔的回味.
4/15/2011 07:09:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。 這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。 還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。 減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！ 中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。
13 則留言
閱讀更多