跳至主要內容

免費講座<瘦身飽餐>報名方法

可能某些朋友從經濟日報集團的刊物，已得知有關活動了，這是出版社為我舉辦的新書發佈會，可能你會問，有咩聽?老老實實，我未諗，但當然圍繞住減肥同Keep Fit啦~但如果想同我講吓肥貓減肥心得，都可以啫~

好!點報名，方法一，click以下網頁，入資料就可以


方法二，列印上面張poster，左下角有張form，填好fax到2516 9989就得


方法三，以上張poster右下角有個四方形黑色的QR CODE，iPHONE或ANDROID用戶，只要去APPS STORE OR ANDROID MARKET，Free Download 一個叫Scan 的apps，之後開咗個apps，用個手機鏡頭對住個code就可以立即見到報名表了。


快喇~只餘下20幾個吉位！

留言

匿名說…
又報唔到..............
9/20/2011 05:54:00 下午
匿名說…
點解咁快滿架？！加場啦！！！
9/20/2011 06:59:00 下午
匿名說…
雖然今天已聼過你的講座，但真係想再參加，太開心了，仍回味中，仍有座位嗎！上網報不到了：（
9/21/2011 12:25:00 上午
匿名說…
昨晚先去完你的講坐(我係...痘痘同營養師有關?)，仲以為12咁快有機會再見添


原來已經FULL左
9/22/2011 09:55:00 上午
Cynthia Wong(黃凱詩)說…
昨晚的你：
嘗試吓多吃維他命C豐富的水果，例如奇異果、橙、士多啤梨，生吃的黃椒再多飲水，看看能否改善啦！努力啦^^
沒錯，那個活動，真的滿了，真對不起，有緣再見！
9/22/2011 11:11:00 上午
匿名說…
你好,,請問即食紫菜營養價值同用作煮湯的 有大分別嗎?
9/23/2011 07:28:00 上午
匿名說…
其實如果有厭食症既人..營養師會幫助嗎??
9/23/2011 07:30:00 上午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多