跳至主要內容

Cranberry Cookie Monster

兩星期前,已經想將整過做曲奇的步驟放上來,但因為要搬屋,忙到唔知點形容,所以現在才偷少少時間放上來。

準備好材料先:(可做約20塊曲奇)
低脂牛油40克
砂糖25克
Splenda 2湯匙
雞蛋17克
低筋麵粉40克
泡打粉1/4茶匙
快熟燕麥片25克
小紅莓15克

這張相,一眼睇哂~
有兩個預備動作的 1)預熱焗爐180度 2)將牛油放在室溫軟化

步驟逐格睇
1)幫牛油同糖過磅,唔好唔記得落代糖,這是令曲奇餅變得低卡很重要的一步;


知唔知點解糖變咗50克,因為上次訂單大,要做好多~
2)下一步,就你打打打,用電動打蛋器,因為我相信大家隻手嘅 速度無咁高,要打到奶白色先好停。
奶白色混合物的完成圖~
3)然後分兩次落蛋,確保牛油同蛋完全混合;
4)打到均勻,好似這個狀況;
5)篩粉及泡打粉;
麵粉混合前的樣子~
6)用膠刮伴入麵粉及蛋漿;唔好太粗魯,拌勻就可以;
7)再加燕麥及小紅莓;
又是混合前的樣~
8)完全混合放入雪櫃冷藏10分鐘前的樣子;
9)在雪櫃取出後,放上牛油上,準備放入爐約15分鐘;10)出爐了,你會發現曲奇餅腍到唔似曲奇餅,正當你以為自己失敗之際,希望在人間的,只要有放涼架~哈哈,痴線架,我話自己。
11)成功了~我記得,我話咗做給向CC BAKERY 落了單的番薯,我無開空頭支票的,但係剛搬好屋的我,忙於慰貓同還完間屋,有拖無欠啦~

留言

匿名說…
Thanks for your recipe. I am waiting for it on the first day you show the cookie. Looking forward for more of this recipe : of course are the low calories, low fat sweeties.... Stephanie Fung
看到了你的介紹,愛上了你的作品,今日專程去書局想買你本營養師的200卡甜品書,點知佢仲未有貨,好失望,澳門的書店,真係要搵本想買既書都唔係咁易,唯有叫佢幫我訂貨啦,希望可以快到攞到手
Unknown說…
多謝你的 recipe, 附有步驟遂格睇,好清楚啊!你忙到團團轉,還抽時間寫得這麼詳盡,謝唷^o^我會照著做的啊 !
匿名說…
成功弄好啦..謝謝你..

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。