營養師黃凱詩的生活點滴

2009年3月18日星期三

3月24日的約會


又完成一個講座喇!第170場...

昨天到脊醫診所覆診,姑娘一見到我就問:『你好似好忙喎!小心身體!』我就話:『係忙D!但好滿足!每次一知道有講座,唔知點解,原來疲累不堪,都變成可以打死100隻老虎!相信這個動力,是由其他人俾我!』

昨夜,完成講座,見到大家嘅支持及鼓勵,令我頓時叉了電,有朋友問,幾時再有講座,想介紹朋友聽,當時我說多謝...真是由衷的感謝!

生命中,我們每天都在付出,有機會付出,有幸...付出了,就不應希望回報,見到一位又一位會員完成計劃,恭喜他們之餘,亦真的盼望他們不要忘記我在減肥路途中,叮囑的每一句話。

曾有人問及,是否每一位你負責的個案,都是成功的,我會如實相告:『當然不是!』,因為你努力遊說,給予支持,別人聽而不做,最後體重只會沿地踏步,但只有你努力配合,隅有失手時,我應可及時將你拯救。

好些接觸過我的會員,會覺得我兇巴巴的,沒辦法,我性格較慢熱,而且當我工作時,過份認真的樣子,確實頗黑人憎,但是希望你明白,那是我緊張你的進度吧!哈哈!打者愛也!

又有讀者問:『專欄中,你經常說笑,生活像是開心的,你有沒有失落的時候呢?』當然,生活也有樂與怒,我當然也有失落的時候,但我希望大家看稿件時,可以輕鬆地看,將一天的壓力暫時放低。

下星期的講座日程如下,有時間的話,留個位啦!

3月24日--中央圖書館地下一號活動室

3月30日--柯士甸道童軍中心1030室

電話:2891 0920

7 則留言:

匿名 說...

昨天我參加了講座,真的很精彩,謝謝你!我覺得如果個講座收費,都會滿座!

匿名 說...

我在此都要講一聲:多謝,感謝你地一班營養師的勤勞的付出,使到我地許多,許多會員都能達到心中理想,目標.其實你地對住我地的減磅一族都好煩,每日都是重覆,重覆每個人的說話,內容.....
會員之一

匿名 說...

唔係!同你見面好開心!

匿名 說...

個講座咩時間?我都好想聽!

匿名 說...

很想帶朋友來聽你的講座!
但無奈次次都就不同時間,
唔係返工就要返學~
希望下次再有機會啦~

另外,我都同你一樣工作時認真好似好惡咁...
可能呢個就係我地天秤座的性格呢~

KK

匿名 說...

唔知點解,起初未同你講嘢,覺得你好cool,但認識多了,再加上每星期睇你個專欄,就覺得你個人古靈精怪,每個禮拜,都想快d星期一,如果你個專欄可以一星期有兩三日就好,反映下。

Cynthia Wong 說...

講座時間係晚上7:15-8:45,但是以上講座已滿,下次再通知大家,多謝支持!