跳至主要內容

薯不簡單

佢緊係唔簡單啦!三十多年前,唔小心跌咗落d油度,變成炸薯條,唔知吸引咗幾多少男少女。但三十年後嘅今日,健康大哂,自從有人話薯仔好肥之後,大家聽到佢個大名都驚,於是呆等大家食佢食等到發哂芽(記得發咗芽就唔好食),佢好彩,碰到我尼個營養師同佢翻案,佢先可以清白,原來薯仔唔只唔肥,仲可以幫大家控制體重添!

我最鍾意用佢整薯仔沙律,簡單都極,最適合我d懶人,烚好薯仔將佢切粒,將粟米、雞蛋同吞拿魚入個小碗,再加2湯匙沙律醬就ok哂!

有時再懶d,就去超市買盒加水就食得嘅薯粉,1/3碗(乾)相等於1份五穀,再加d切碎嘅西蘭花同茄汁焗豆,簡直一流,有焗爐的話,放片芝士,慢慢溶入d薯仔,yummy....:)

多d時間的話,煮個薯仔雜菜湯都唔錯,1個紅蘿蔔,2個番茄,半個洋蔥、4兩豬肉同1個薯仔,煮佢1小時多分兩餐食,男士就最好食多1碗飯添,小姐們就唔駛喇!

如果唔想飲湯成肚水,將上述材料轉用牛肉粒,用1-2茶匙油再煮,做個菜塗飯也不錯!

薯仔仲可以點整,多不勝數,只要你記住,佢知所以可幫大家減肥,唔係因為佢有咩特異功能,只係因為佢脂肪少,又有飽肚感,所以食得太多都係會肥架!

想知薯粉個樣同邊度有得買,明天話你知,因為唔記得同佢哋影張靚仔相!

留言

匿名說…
謝謝你的好介紹,可以食番薯仔喇!
Joanne
匿名說…
請問沙律醬用邊隻會好d啊?
Constance說…
真係唔該哂呀,hahha~
可以好放心食薯仔啦 ^^
匿名說…
thx! i m also a fan of potatos~

順道一問, 其實吃完午餐後勁眼睏是必然的嗎?
我將要考A-Level,有幾日都要考晒上下晝,
請問食甚麼作午餐可以令自己下午考試時精神d?
匿名說…
你好~其實dim樣sin知道自己適合食d咩~又係唔係人人減肥食ge野都唔同ga~???
訂造一份減肥餐單係唔係好貴~
我第一次睇你d文章~就急不及待黎你個blog到問野la~因為我對營養好有興趣~:D
THANK YOU~!
Joyce說…
我最愛食薯仔,所以今日係報紙見到你的介紹立即睇下其他的方法!果然好介紹!
匿名說…
請問邊隻沙律醬健康d呀?

thx!!

Hazel
匿名說…
請問邊隻沙律醬健康d呀?

thx!!

Hazel
匿名說…
薯粉!!薯粉!!薯粉!!薯粉!!薯粉!!薯粉!!薯粉, 係唔係wellcome個d都有得賣架?? 每次又開幾多黎食先唔會致肥???
匿名說…
你好ar~
我想問下牛角包一個約有幾多kcal?? (大小大約把手比成一個牛角咁上下大小)
謝謝!!~
匿名說…
幾時又會有講座呀?
星期一(30/3)會有講座,但已經滿額,再下一次,就要到復活節假後,16/4係銅鑼灣,因為我要休息吓...不好意思!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。