營養師黃凱詩的生活點滴

2009年5月9日星期六

便秘點算好


Milo 語錄:

未試過便秘都唔知原來便秘咁辛苦,你知啦!我咁鍾意食,食咗咁多嘢落肚又出唔返,個肚谷住谷住都唔知幾辛苦,攪到我成日悶悶不樂,主人同我踢波我都唔想瞅佢,起初主人都唔知我咩事,只係見我好似無平日咁活潑啫!後來我見到主人幫我清理個廁所,佢就即刻知我便秘喇!其實我初時都覺得好奇怪,我同阿哥用同一個廁所,點解佢知係我便秘唔係阿哥呢?大家知唔知點解呢?俾3秒大家估吓!

好簡單啫,因為我無咩手尾囉,平時d貓,去完便便之後,會好乾淨咁,用隻腳仔踏吓d沙,掩埋d便便,但係我係『特別』嘅貓,懶做尼個動作,所以主人望吓d便便,就知係邊個嘅!

講返我便秘嘅問題先,好彩我有個係營養師嘅主人,佢見我便唔出,就俾咗d南瓜同紅蘿蔔俾我食,今日都唔知幾暢快,簡直係一身鬆哂!

主人話有時d減磅戰友便便唔出,都有絕招,除咗奇異果同木瓜外,最掂係一種叫全麥維的東西,不過好似唔係咁易入口,所以都係咩八寶都用完之後先用佢!

總之而家無哂事,好彩有主人啫!你話我幾幸福...喵喵

4 則留言:

匿名 說...

Poor Milo, 原來便秘可以食南瓜呀?! 南瓜...我通常用南瓜嚟幫我解決乾燥嘅皮膚問題o架, 因為你個主人教我哋佢含豐富乙型胡蘿蔔素. 咁佢有冇比暖檸水你飲, 然後幫你搓肚仔呀? 呢招都好有效o架!

Cynthia Wong 說...

貓同人唔同,有好多人食嘅食物,貓唔食得,所以貓便秘就可以選南瓜同紅蘿蔔囉!1杯紅蘿蔔有3.6克纖維,1杯南瓜蓉就有2.7克,人如果便秘,都可以食,但係all bran全麥維就用來急救!

匿名 說...

Should it cooked and mixed with can food?

匿名 說...

Sweet potatoes are also very effective (and tasty!) for human beings.

Wendy