Milo 語錄：未試過便秘都唔知原來便秘咁辛苦，你知啦！我咁鍾意食，食咗咁多嘢落肚又出唔返，個肚谷住谷住都唔知幾辛苦，攪到我成日悶悶不樂，主人同我踢波我都唔想瞅佢，起初主人都唔知我咩事，只係見我好似無平日咁活潑啫！後來我見到主人幫我清理個廁所，佢就即刻知我便秘喇！其實我初時都覺得好奇怪，我同阿哥用同一個廁所，點解佢知係我便秘唔係阿哥呢？大家知唔知點解呢？俾3秒大家估吓！
好簡單啫，因為我無咩手尾囉，平時d貓，去完便便之後，會好乾淨咁，用隻腳仔踏吓d沙，掩埋d便便，但係我係『特別』嘅貓，懶做尼個動作，所以主人望吓d便便，就知係邊個嘅！
講返我便秘嘅問題先，好彩我有個係營養師嘅主人，佢見我便唔出，就俾咗d南瓜同紅蘿蔔俾我食，今日都唔知幾暢快，簡直係一身鬆哂！
主人話有時d減磅戰友便便唔出，都有絕招，除咗奇異果同木瓜外，最掂係一種叫全麥維的東西，不過好似唔係咁易入口，所以都係咩八寶都用完之後先用佢！
總之而家無哂事，好彩有主人啫！你話我幾幸福...喵喵
留言
Wendy