或者我實在經常係個Blog度介紹小食俾大家，令大家誤以為我好鍾意食小食，所以今日又有戰友放低咗一包脆脆片俾我。
介紹咗包脆餅先，雖然我唔係太好零食，但lee包都幾好味...唔係應該係好好味，(我d同事食咗大部份，佢哋話好味過其他牌子)，最緊要係d鹽份都可以接受，食12塊，即1份五穀類+1/2份脂肪食物，只有少於200毫克鈉質。但係佢出沒嘅地方就真係少d，戰友話係太古城的前UNY，哈...我都未去過。
講返食小食嘅問題先，如果你平時沒有零食習慣(即是我)，又唔需要特別買零食嘅，好似我lee個飯桶，晚餐食成碗半飯，又點會口痕呢！但係有80%減磅戰友都有零食習慣，又唔想佢哋一下子戒哂，所以先周圍選購啫！咁樣就多個選擇啦！但係記住，健康小食都唔可以當正餐，真係口痕先食啦！
留言
家住太古城的減肥戰士
我係上面的朋友呀,從Cynthia提及如果將飯或五穀類加到適當的份量,自然對小食的興趣也減少(因為太飽).
至於米餅的意見(純粹個人),即是有人當榴槤係寶,有人當係草,冇對與錯,你覺得是否呢?
第二樣的意思是下次介紹的小食合我口味的話,我當然不會選吃飯啦(食小啲飯,留番個肚食佢嘛).