跳至主要內容

變魔術

好耐無同大家交流下喇!所以今日打算同大家玩個魔術,首先睇下這張相先...

一見到個麵,你會諗咩呢?即食麵都食得?個麵咁細,係咪呃俾人呢?起初,我都有這些問號,
於是,我就諗:『試下無妨啦!』再聽食物環境中心話,反轉背面再睇睇個營養標籤,大家睇下先,知唔知點睇呢?

首先望下個卡路里,唉!絕對係寫錯位要回收,個卡路里應該寫右手面,但係我計算過,卡路里的確係202千卡,但係各位戰友千奇唔好睇漏眼,絕對...係絕對唔可以只係睇卡路里,同時需多睇脂肪量,睇見係0g,就放心喇。咁戰友們要減肥需換算份量跟餐單,又可以食幾多呢?

又要計下,通常1份五穀類食物提供15克碳水化合物及2克蛋白質,但由於太複雜,只用碳水化合物計算,就即是約3份五穀啦!不過食嘅時候要小心d鹽,因為湯包含有鹽,約有1450毫克,所以唔好落咁多喇!3分鐘之後...


就變咗咁大碗,係咪好似變魔術呢?但係要提下大家,營養標籤法例,下年7月先全面推行,現時未有法例管制,不過我自己試過,可信性都幾高,佢個招牌叫大城小廚,暫時只見到7仔有得賣。

留言

匿名說…
妳真係.....作死, 食埋啲即食麵, 雖然係做"白老鼠"啫, 妳唔好忘記自己昨日才捱到胃痛要食胃藥呀! 唔得閒買外賣咪叫個間" xxxx e's kitchen"囉, 橫豎而家離妳公司咁近,又唔駛額外收費. :D
匿名說…
聽到你胃痛,大家都心痛.
匿名說…
小心身子呀~
匿名說…
昨晚聽講座,完全不覺得你唔舒服,仲咁精釆,真佩服,忙完本書就多休息,大家都疼錫你!

粉絲琪琪
匿名說…
想問下邊度有得知佢地幾時有講座?
匿名說…
樓上位朋友: 今早"頭條"出咗廣告喇, 我記得下星期二 & 7/27.

你可以明早11:30am打電話比Cynthia 公司兩位接待員 : 金美小姐2891 0920/車厘子小姐2992 0148 查詢o架!
匿名說…
第一位朋友,你係咪佢d戰友呀?連佢胃痛都知?我都想認識佢,覺得佢d文章好鬼馬,但係有d網友係個blog話佢好cool?!我就覺得佢好可愛囉!
匿名說…
早晨呀樓上的朋友:我係第一位朋友呀,身份為Cynthia減完磅嘅戰友. 因為大家都係尖沙咀返工,佢又初到尖沙咀呢個"貴境",畢竟呢個係我"地頭”,所以要拜候吓我呢個保長,咁咪都有聯絡吓咁喇.

佢話佢自己唔係cool,係慢熱啫.因為我都係啲咁嘅人,所以咪同佢係我減磅嘅旅程一齊慢慢熱到"熟"咗囉!

佢可唔可愛呀?我唔可以係呢到講o架,因為佢知我office係邊,佢會嚟殺咗我o架!
匿名說…
樓上位朋友:營養師要殺你,你會死得好慘.
匿名說…
哎呀村田おっさん,唔好咁執著啲字眼啦!

我哋班網友嚟到Cynthia個blog都係想睇吓營養師從日常生活中帶比我哋嘅健康資訊咋!

你再係咁, 會比我哋其他網友覺得你老人家食古不化!
匿名說…
Totally agree with u!
多謝關心,胃已沒有投訴了。

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。