營養師黃凱詩的生活點滴

2009年7月27日星期一

大覺瞓


好眼瞓呀!唔好嘈啦!仲影,瞓覺都好影,主人你係咪傻傢!

milo的睡姿

moo moo 的睡姿

聽主人講,有d朋友經常都會失眠,其實作為貓貓,一日瞓成15個鐘,真係唔知失眠係點,但係主人話,飲d和暖嘅牛奶對失眠真係有d幫助,因為牛奶有種叫色胺酸嘅物質,可以幫助大腦製造血清素,情緒穩定d,就好瞓d啦!但係,瞓覺前2小時就要飲,如果唔係,好辛苦咁瞓咗,又要去洗手間就麻煩啦!

仲耍記住睡前4小時唔好飲好剌激嘅飲品囉,即是d咖啡茶,如果唔係包你眼光光。

不過主人成日話,佢一定唔會瞓覺前寫稿,因為個腦會醒哂,咁我同阿哥就好慘,因為主人瞓唔著,就嘈醒我哋陪佢,好慘傢,貓貓最鍾意瞓覺。

講咗咁耐,唔記得話俾大家知,我同阿哥同d靚模爭,都有寫真集出,唔知大家睇咗未呢?好開心因為主人出書,都有預我哋一份。


我同大佬打交前,俾主人影到

早抖喇,即刻打開主人本書睇兩頁,包你即刻瞓zzz

9 則留言:

匿名 說...

哎呀毛毛: 點解唔叫你哋主人早一日寫呢編文章&影你哋啲靚覺豬相呀?我星期六行完山行到成個人散哂,兼且腹瀉喎;諗住早啲10pm瞓,點知瞓得2個鐘就醒,又瞓唔番,不知幾慘呀!唯有星期日晨早搵Aaron啦!好羨慕你哋可以瞓咁多個鐘,唔通....我老人家唔瞓得咁多?!

匿名 說...

米路仔早晨, 我梗係倦到傻咗喇, 將你寫嘅blog誤當做你主人寫嘅,唔好嬲呀,下次買包Cynthia唔比你食嘅零食請番你作補償!

匿名 說...

你個專欄真係越來越好睇!努力!

匿名 說...

Dear Mr. Milo,

你最近是否跟潮流要美白?這兩幅相約周公的相片,毛色較以往的白淨了!

Winnie

匿名 說...

看到免費講座的廣告已是兩年的時間,一直沒有參加,只係認為講座都是說均衡飲食等等老生常談的事,上星期突然想起,聽聽也無妨,但今晚參加後,真係令我常同你講兩個字「佩服」,你可以將一些簡單的資料,講得出神入化,一個已講咗幾百場的講座你都那麼精釆的演出,深信你付出不少努力,永遠的支持。

匿名 說...

個講座我已經第二次聽,今次帶媽咪同細妹參加,媽咪聽任何講座都瞓覺,但係今日佢聽哂全場,真係精精精彩!

匿名 說...

你隻貓真係好鬼可愛!

匿名 說...

點解milo係長舌貓?

匿名 說...

上面嘅朋友,我都覺得個講座好精彩,我都靜靜聽咗兩次,仲周圍同朋友呀,同事去聽,真實都想佢哋認真改下自己的健康,成日食豬頸肉,仲話唔肥,我前日就剪咗個專欄俾同事睇,大家都嚇咗一跳,幾好笑!

忠實fans Tracy