營養師黃凱詩的生活點滴

2009年8月20日星期四

唔記得走牛油


今朝好滿足,一早起身去咗一間有日本Cafe Feel 嘅餐廳食早餐...唉!無辦法啦!好耐無回鄉,想感受下和風啫。


食咩好呢?睇下個menu,有三文治,嘩!仲有我鍾意嘅三文魚,好!就叫lee個:『唔該三文魚三文治烘底!』跟住就周圍望下,影下相順便準備下一陣嘅雜誌訪問,5分鐘後,個樣好似好美味嘅包包就送到,一打開,弊!真失察,竟然唔記得走牛油,無辦法啦,我應該有quota嘅!

有時候落單真係要打醒12分精神,好似去粉麵店咁,想食菜同牛丸米線,我要記住好多嘢,首先菜心走油啦、跟住牛丸米線唔該煮腍d同全走,即是走蒜同蔥(心想上覺得d蔥好污糟),你哋話係咪喇!講都唔係緊要,最慘有時仲送你一對『白眼』,所以我好欣賞日本間叫一蘭嘅拉麵店,因為人哋真係可以為你做一碗度身訂造嘅麵。

唔講喇,記者等緊...bye!

10 則留言:

loyeah 說...

唔係噃, 我成日都菜心全走, 阿姐都無野喎, 不過外賣的話就要小心D, 我成日都'目及'住佢地, 佢地會乜都落哂搏你攞走唔會返黎投訴,但每次都俾我即時拆穿, haha ~

匿名 說...

He He! 全靠我呢個損友發起神經約妳食早餐,妳先至又多一個食堂! :D

匿名 說...

哈哈!有時真係會講漏咗!

匿名 說...

邊度呢架? 我都想探下佢個鄉下feel既cafe.

匿名 說...

一蘭都係我既至愛, 去親東京都必去架!

匿名 說...

其實你係咪好鍾意寫描寫文,每次睇你個blog,好似俾你帶咗入去咁,好鬼有娛樂性囉!
Joey

Cynthia (黃凱詩) 說...

這間是陳豪Cafe,即是捷榮間cafe,地址係尖沙咀樂道,澳門茶餐廳再行入去,行多約8個舖位,即街中間呀!有緣的話,係果度見啦:)

匿名 說...

多介紹好嘢食,戰友又多一個選擇!

匿名 說...

吓!點解重未有update嘅? 好掛住呀!

匿名 說...

我都係咁話,但係假期,等佢休息下啦!