跳至主要內容

好好好番茄嘅通粉

好悶呀!唔係譚仔、翠華就係牛肉湯檬,有時候日日出去食Lunch都幾頭痛。

今日心血來潮,諗住介紹好同事去一個新竇食lunch,於是佢就跟住我行喇!
簡直係一步一驚心...
行咗三條街,我帶佢入咗一座大廈裡面,佢望咗兩望:『嘩!你帶我去咩地方呀?!個環境咁恐怖嘅!好似重慶大廈咁!』跟住我哋掟咗個靚彎,佢就越來越驚:『你有無記錯架,真係有好嘢食?』其實佢擔心都正常嘅,大家睇下就明,以個環境去評估,感覺上,隨時都有強哥(即小強)同超級大鼠歡迎你啫,唔駛驚,又真係無見到,但做定心理準備會好D!
個環境睇尼,真係有d嚇人...

行咗10步之後,就見到間冰室,我叫咗個番茄牛肉通粉,大家睇下,真係好鬼茄囉,好好食架,仲要好有營養,仲記唔記得,如果想攞到番茄D茄紅素,要整爛D番茄,等D茄紅素係細胞裡面流出尼先得,而且仲要煮熟,有少少油先幫助吸收。



有時後巷都有好嘢食,唔好以『貌』取店喇!

留言

匿名說…
有冇攪錯呀?咁出名嘅冰室妳都唔識?
匿名說…
咦...呢間係咪係香檳大廈嘅X星茶餐廳? 佢出名係"茄牛"喎! 我一直都未試呀, 因為唔食牛, 有冇"茄雞"架?
et說…
原來你都係譚仔的支持者....
匿名說…
原來你都係番茄迷...哈哈:)Yummy!
匿名說…
我以前間唔中都去呢間度食, 不過好耐之前見到附近有老鼠出現之後就唔係好敢去囉~
匿名說…
吓! 我今日都係去果度(1:30)lunch點解見唔到你既? 你好早去呀? 果間野我成日去架, 不過就略為覺得通粉&米粉太"林", 又唔敢食麵喎, 之但係佢既茄旦撈又實在太好味, 所以成日都食哂d茄旦(有時要茄旦牛)再食少少米粉就算, 再叫多個大size既白菜仔(怕唔飽要搵零食做tea啦),希望下次見到你啦!
匿名說…
出面d哥哥好似好惡咁(吸煙位),你映相時佢有無"啤"你呀,好似大毛"啤"細毛咁呀!你咁勇嘅?
匿名說…
我又想見下你呀!你幾時會再去呀?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。