今日心血來潮，諗住介紹好同事去一個新竇食lunch，於是佢就跟住我行喇！
簡直係一步一驚心...
行咗三條街，我帶佢入咗一座大廈裡面，佢望咗兩望：『嘩！你帶我去咩地方呀？！個環境咁恐怖嘅！好似重慶大廈咁！』跟住我哋掟咗個靚彎，佢就越來越驚：『你有無記錯架，真係有好嘢食?』其實佢擔心都正常嘅，大家睇下就明，以個環境去評估，感覺上，隨時都有強哥(即小強)同超級大鼠歡迎你啫，唔駛驚，又真係無見到，但做定心理準備會好D！
個環境睇尼，真係有d嚇人...
行咗10步之後，就見到間冰室，我叫咗個番茄牛肉通粉，大家睇下，真係好鬼茄囉，好好食架，仲要好有營養，仲記唔記得，如果想攞到番茄D茄紅素，要整爛D番茄，等D茄紅素係細胞裡面流出尼先得，而且仲要煮熟，有少少油先幫助吸收。
有時後巷都有好嘢食，唔好以『貌』取店喇！
8 則留言:
有冇攪錯呀?咁出名嘅冰室妳都唔識?
咦...呢間係咪係香檳大廈嘅X星茶餐廳? 佢出名係"茄牛"喎! 我一直都未試呀, 因為唔食牛, 有冇"茄雞"架?
原來你都係譚仔的支持者....
原來你都係番茄迷...哈哈:)Yummy!
我以前間唔中都去呢間度食, 不過好耐之前見到附近有老鼠出現之後就唔係好敢去囉~
吓! 我今日都係去果度(1:30)lunch點解見唔到你既? 你好早去呀? 果間野我成日去架, 不過就略為覺得通粉&米粉太"林", 又唔敢食麵喎, 之但係佢既茄旦撈又實在太好味, 所以成日都食哂d茄旦(有時要茄旦牛)再食少少米粉就算, 再叫多個大size既白菜仔(怕唔飽要搵零食做tea啦),希望下次見到你啦!
出面d哥哥好似好惡咁(吸煙位),你映相時佢有無"啤"你呀,好似大毛"啤"細毛咁呀!你咁勇嘅?
我又想見下你呀!你幾時會再去呀？
發佈留言