跳至主要內容

減肥都可以食薯餅


『唔係啩,減肥仲食薯餅,將『薯餅』這兩隻字寫係個減肥飲食日記上面,黃小姐肯定囉囉嗦嗦...』戰友annie對住車厘子講,我偷聽倒。

唔好成日講到我咁得人驚先得架,其實我個人和藹可親又平易近人,只不過有時過份緊張大家嘅減肥進度啫!所以咁囉嗦!

今日又係D食物影大合照嘅日子,所以特別揀咗1個我最鍾意嘅食譜同大家分享,佢就係薯仔餅喇!

材料十分簡單,有薯仔1個、洋蔥半個、雞蛋1隻、生粉2茶匙、火腿1片;調味有1/2茶匙鹽同胡椒粉。

薯仔去皮後要刨絲、洋蔥切半再切碎、火腿切幼條、雞蛋打勻;再加入調味料,跟住用1茶匙油落鑊煎香,食嘅時記住食D菜先夠Balance!

留言

匿名說…
好彩食飽飯先睇妳個blog啫, 如果唔係就出事,實食多啲. (影到好鬼吸引!)
匿名說…
上次我聽你個電台節目時,試過做這個薯餅,真係好好食!
匿名說…
幾時落生粉?調味時落定係煎之前沾上生粉?
匿名說…
個餐盒好鬼靚!係邊道買咖?
匿名說…
個餐盒好鬼靚!係邊道買咖?我都想知道!! hehe!!!!
匿名說…
I love Keroppi!!!
匿名說…
星級營養師,真係無講錯,多謝你精彩的分享,聽得好開心!
匿名說…
哼!聽完講座,我都覺得好開心,雖然今日突然知道自己原來肥咗咁多,我會努力減磅,我對你充滿信心。

各位朋友,大家一齊努力啦!
匿名說…
聽完個講座,買了你的新作,整夜在看,原來你愛為其他人帶來歡樂,也獲益良多!
匿名說…
講個笑話俾你聽,頭先我去書局買你以前兩本書,返到屋企衫都未換就睇,老公話我作死,三十幾歲人先開始迷偶像,不過我都覺得自己變咗做你fans!
匿名說…
熊貓詩詩,熊仔換到10/9,無得換拉,你還欠边一隻呀????
匿名說…
熊貓詩詩: 呢個msg 唔係我send比妳的,係妳呢一個fans 比妳的. 因為我知道妳嘅換領情況! :D
匿名說…
你d fans 同你一樣咁可愛!
匿名說…
今天 4 Sept, 仲未換畫, 快比d 新嘢睇睇!好悶呀, 快快快!!!!!hehe!!!!!!!!
匿名說…
我想問下今期take me home係咪無左你個專欄呀? 定一話我眼大睇過龍搵唔到....係邊版呀!
匿名說…
我星期四見過佢,佢忙到隻細都睜唔大,俾佢休息下啦!
其實個飯盒唔係我嫁,係因為正為TVB週刊準備專欄的兒童飯盒,有公司贊助的,不過D玩具就D確係我私伙!
致講座的聽眾朋友:

多謝你們的讚賞,一個成功而圓滿的講座,除了講者以外,你們的投入、支持及掌聲都很重要,講座是否精彩,我不敢說,只希望用一個較輕鬆的方法,將一些營養知識與大家分享,請放心,講座一定會繼續,而且亦正構思新的講座,密切留意啦!
take me home 的專欄,是隔一個月的,即是與大家再見面的時間,是10月,多謝支持:)
熊仔已經到手了,多謝...一家四口,已在我身邊,多謝你們送來的印花,你們匿名信中的印花,亦已收妥,感激!
匿名說…
終於見倒你有反應喇!等到頸都長!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。