跳至主要內容

凍奶茶走糖多奶


噚日做完個新書發佈會，就飛入廸廸尼同朋友慶祝生日，今朝仲同D廸廸尼朋友一齊食早餐，即刻好似細咗廿年，跟住當然就去老鼠樂園玩下啦！

玩咗半日，成個人變咗水人，唯有早D離開個奇妙樂園，返去個現實世界，第二站就去咗醫肚。個Friend話想去茶餐廳，一坐低，佢就急不及待叫：『凍奶茶走糖多奶！』我問佢：『又話減肥？』佢就答我：『咪走咗糖囉！』

剛剛睇完林海峰，喺個show裡面佢話想買架單車，但就見到單車寫住：『全新二手！』又話全新又係二手，啫係點???情況就好似我個Friend咁，叫凍奶茶走甜，好明顯想減肥唔想咁甜啦! 但係又多奶，即係點呢？咪仲肥，就好似大家叫菜心走油加腩汁一樣囉！

所以想減磅嘅朋友，千奇唔好睇少D飲品，今日就準備咗D咖啡飲品嘅熱量俾大家參考！

連鎖咖啡店熱飲中杯12安士計算
Lattte (W.Milk)-180kcal
Latte (Skimmilk)-100kcal
Cappuccino (W.Milk)-110kcal
Cappuccino (Skimmilk)-60kcal
Mocha (w/cream)-290kcal
Mocha (w/o cream)-230kcal


我同米老鼠合照，係咪細咗20年呢?

留言

Unknown說…
連鎖咖啡店熱飲中杯12安士計算
Lattte (W.Milk)-180kcal
Latte (Skimmilk)-100kcal
Cappuccino (W.Milk)-110kcal
Cappuccino (Skimmilk)-60kcal
Mocha (w/cream)-290kcal
Mocha (w/o cream)-230kcal

WHat ??? Mocha have 290kcal ~!!
O Shit ! i always drink Mocha and Latte !! Thz for inform me !!
9/21/2009 09:02:00 上午
匿名說…
個cream咁肥架，等我仲次次加添！
9/21/2009 10:40:00 上午
匿名說…
個cream咁肥架，等我仲次次加添！
9/21/2009 10:41:00 上午
匿名說…
我以後都係齌飲Cappuccino嚕！
9/21/2009 01:01:00 下午
匿名說…
Would you mind estimate a Caramel Macchiato at size tall ? thanksss.
9/21/2009 02:32:00 下午
匿名說…
我多數要Short coffee + Skim Milk 或 double shot Americano + Skim Milk 或 Black Coffee.

Is it better?

LW
9/21/2009 02:34:00 下午
匿名說…
咁Mocha (w/slim milk & w/o cream)有幾多kcal? 死火! 我上星期日飲咗一杯呀!!! 唔怪得妳話我做咗虧心事喇! 不過做咗四日運動純粹係唔想比自己有偷懶嘅藉口咋, 與此冇關!!
9/21/2009 02:37:00 下午
匿名說…
我原本飲開Mocha...依家就飲Skim milk latte...睇o黎我要再轉飲Cappuccino....
:)P
9/21/2009 02:51:00 下午
匿名說…
我係你個超級粉絲，真係好想識下你，明天就可以見下你，唔知有無膽問你攞簽名同影張合照呢？
9/21/2009 11:02:00 下午
匿名說…
我想話你就算唔係同米老鼠影相，你都唔似入咗行十年囉！
9/21/2009 11:10:00 下午
匿名說…
唔係自己聽過，都唔信點解D網友成日話個講座好吸引，經常覺得D Fans只係太欣賞你，先有這種讚賞，但係原來你真係咁吸引，可以講一個學術嘅講座講得咁好笑，相信你一定落咗好多苦功!希望我可以說服我個大肚腩老公找你減肥啦!

盧太
9/22/2009 12:07:00 上午
匿名說…
哈哈~
我都有睇林海峰,
好有同感~
我公司的同事好似你朋友~
話減肥, 但就食零食,
然後話佢今日中午只食好少野,
kcal加埋應該唔會過喎~
唉...我都已經比左你個網頁佢
佢都仲係咁想, 冇人幫到佢啦~

tomato
9/22/2009 02:06:00 上午
匿名說…
原來淡奶仲肥過糖，等我仲以為走甜就可以，大鑊！
9/22/2009 11:58:00 上午
Cynthia Wong(黃凱詩)說…
其實齋啡是沒有熱量的，但需注意咖啡粉份量增加，咖啡因便會提升,因此不宜過量。
其他咖啡友，這是你們Order的咖啡熱量評估，希望可助你們選擇啦!
Caramel Macchiato Tall with Whole milk- 200 kcal
Caramel Macchiato Tall with Skimmilk- 140 kcal
Mocha w/skim milk w/o cream- 170kcal
(全部為中杯的熱量)
9/22/2009 12:54:00 下午
匿名說…
thanks Cynthia!
9/22/2009 02:55:00 下午
匿名說…
170kcal? 無 la la 幫自己加咗 170kcal, 下次有免費嘢都係轉贈比妳好啲, 妳大把QUOTA! :)
9/22/2009 03:01:00 下午
匿名說…
本來唔想記住你嘅生日，但係周圍都係月餅，就記得你係中秋節牛一，好耐無見，生日同你食飯吖？
你的舊產品winnie lau
9/22/2009 10:42:00 下午
匿名說…
你真係好犀利，佩服！多謝今晚的分享！
9/22/2009 10:50:00 下午
匿名說…
想問下奶茶的熱量又有多少?
9/22/2009 11:59:00 下午
匿名說…
我都想知如果熱奶茶唔加糖係几多kcal啊??(我飲開唔加糖嘅).另外,通常係街食飯都套餐都包咗飲品,唔飲又唔抵。唔知黃老師叫嘢飲品多啊??
9/23/2009 04:17:00 下午
匿名說…
第一次入來，資料好有用，昨晚的講座講得好好，介紹兩位同事參加10月8日的，希望幫到佢哋啦!有個同事成180磅架!

Carol Cheung
9/24/2009 12:04:00 上午
匿名說…
原來你中秋節生日,我細你1日,8月16 !!
大家年年生日都有假放
^..^
9/24/2009 11:54:00 上午
ADA說…
caramel Macchiato 上面的焦糖糖漿不怕肥嘛?
我正在現在減肥, 請問可以飲這些都可以嗎?
10/03/2009 05:53:00 下午
ADA說…
Caramel Macchiato 上面不是有焦糖糖漿嗎? 那不怕肥嗎?現在減緊肥的我, 是否不適合飲?
10/03/2009 05:55:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多