跳至主要內容

想說聲...多謝!

完成了,身體有點疲累,但腦袋仍然清醒!

今個禮拜,講咗4場講座,一場係私人公司邀請的聚會,一連3日就係公司安排的免費講座。老實說,真的有點累! 雖然累,但當公司再安排下個月的講座日程時,他們會問:下個月怎樣呢?若真的吃不消,就講少一兩場吧! 但我說: 沒問題呢!還可以,每次講座後,很滿足,工作的動力很大。

每次講座後,我都有瀏覽大家給我的留言,到場給我支持的讀者朋友,我都能看見的,你們給予我無比的動力。一個講座的成功,不只是我的功勞,要不是你們的投入,我相信不能有精彩的講座。

上星期,收到出版社給我的銷售紀錄,開信封時,戰戰兢兢的,就像打開成績表一樣,心想:該不會令出版社有虧損吧!看後... ...多謝! 由衷的感激,做了30多年人,那一天,真的很開心。

作為一個業餘的專欄作者,有時候,真不知道,究竟,讀者們愛看我的文章嗎?有時候,我真的不知道,剎那間,真會有失落的情感,就是這個原因,我愛講講座,因為這樣我才能與你們直接接觸,我才真的感受到"原來我個專欄是有人睇的",在講座中,我才能被你們叉一叉電,讓我繼續支持下去。

所以不要多謝我為你們安排了精彩講座,相反,要不是有你們的支持,我相信我已沒有能量撐下去。沒有機會多謝大家,特別想多謝,星期二在童軍中心參加講座的讀者朋友,因為那一夜,我真的感動。

留言

匿名說…
Congratulations, Cynthia!
I share your happiness in reading the blog and proud of you. However, don't stretch your energy to the limit so soon. Tonight you had the most tiring look I've ever seen. Go to bed early and have a sweet dream.

WS
匿名說…
做咩咁感性,真係好鍾意你個blog,你個專欄,你每一本書,我會永遠撐住你!你放心啦!
匿名說…
傻啦!你個專欄好多人睇,我公司同事,好個禮拜都追!努力啦!我哋會得閒來講座同你加加油,幾時無油就出聲啦!

婷婷
匿名說…
其實你o既吸引力好大架, 我就係因為你o既專欄你blog內o既文章而join 你地 o既course 減肥 ^^

symavis
匿名說…
................. (默默支持~所以在妳個BLOG上留言鼓勵妳 & 撑妳~两脇插刀用行動上支持!)
匿名說…
你知唔知道,是你改變了我,兩年前看你的文章,開始欣賞你的才華,之後,係你令我決定要下定目標去減肥,在你身上,我見到咩叫做敬業樂業,你令我決定要改變一下自己的工作態度,你不只是一個營養師,仲係我心目中的偶像,永遠的支持!
匿名說…
你所付出一切,我相信各位戰友、家人、朋友及同事都會看到及支持你,你所出書籍我都一一看過。你要多謝我們,但首先你都要多點休息,唔係你病左點算。
匿名說…
本來只會默默支持,但我相信這個留言可為你加點能量!因為我相信,你值得我們這樣做!
匿名說…
加油呀! 我都有看晒你的書,終生受用, 雖然未係你的客戶(戰友), 但亦很支持你呀!
匿名說…
你係咪忙到胡思亂想呀!日日咁多人上你個BLOG,點會無人睇個專欄呢?好啦!多留隻字俾你,同你打多D氣啦!

Joey
匿名說…
係咪咁感性先....你篇文章己經好感人架靭喎...睇埋d留言之後, 我睇下你會唔會感動流涕先...點會無人睇你d專欄呀...你試下幾日唔寫blog...幾個星期唔交稿唔出專欄...d人肯定追到你瘦呀!!!!

在我第一次到尚營坊...直至現在..我最大既收穫除了體重和身型之外...還有心靈上, 記得有次你跟我說了幾句看似很"玄"的話..但其實我感受到你的真心和用心..所以真的要跟你說聲..謝謝!!!
匿名說…
Cythina, 你今日好感性呀! 我曾記得有人說過:乖的人是要"錫",你有咁多Fan's除左你好學的精神外,還有是你非常無私,常常與我們分享.我都要講一聲"多謝您".從尚營坊除左減肥外亦學會左許多健康智識.不過我都羨慕你多姿多采的人生.(我的生活就沉悶多)加油呀! 大家都支持你. 感激你! 我每周五都有聽新城.好仲意. Clara
匿名說…
撞鬼咩!原來每一個大作家都愛感性又鍾意胡思亂想,雖然無見過你,但就覺得你好親切,好似認識好耐嘅朋友,放心啦!無論點都好,我一定會繼續支持你的專欄!
匿名說…
外表看你好硬朗, 原來內裹也有溫柔, 感性的一面, 真的趺眼鏡, 努力吧, 一定支持你!!!
匿名說…
We can see the sweat and blood you have put not only in your column but also your seminar.Your did a great job already and try not to put too much pressure on herself. I am sure all your fans can see your hard work and support you forever!
匿名說…
我有晒你啲書,亦有keep住睇你個blog,逢星期一為了你個專欄仲一定會攞AM730!
係你令我宜家識睇食物標纖,幫屋企人選購有營養嘅食物,我真係好多謝你!
匿名說…
我都係睇你嘅書之後先開始追你個專欄,覺得你個專欄好好睇,因為除咗可以知多D營養知識外,仲會睇得好開心,有時會覺得,你可以好簡單咁教大家營養知識,但係你就選擇咗以一個輕鬆的形式交代,所以我很欣賞你的才華,現在好似上咗身咁,有時見倒你無update個blog會唔開心,每個鐘都reload一次,因為你會唔放過每一次將輕鬆的文章帶俾我哋,支持你,願意做你背後支持著你的粉絲!
Apple
匿名說…
我最喜愛看妳於AM730專欄,每周一一早便急不及待取閱AM730,並第一時間閱看妳的專欄,若當天因稿擠沒有刊登,真的很失落,只好期待星期二的刊登。

妳付出的努力很多讀者和FANS是感受到的!

WS
匿名說…
我都會默默支持,追隨你!努力!
匿名說…
努力幹,撐着你,努力不會白費的!

C.Leung

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。