營養師黃凱詩的生活點滴

2009年10月19日星期一

減肥IQ題


今日想同大家玩一個減肥常識IQ題,問題係:如果你正在減肥,有一朝,你老細同你講,今朝一齊食早餐啦! 你沒有選擇的情況下,你只可以去茶餐廳食早餐,面前的,只有ABC餐,全部都附送雞蛋一大隻,你明知係茶餐廳食蛋咪即是增肥,但係老細面前,又唔想唔食,係減肥交叉點的情況下,你會揀:

A. 太陽蛋
B. 煎蛋
C. 炒蛋

答案:
3種蛋的肥胖程度,最肥嘅係C.炒蛋,跟住就係B.煎蛋,較為可以接受嘅,就當然係太陽蛋啦! 點解,好易明啫,太陽蛋只煎一面,吸油都少D啦! 煎蛋就兩面都要煎,多一倍機會吸油,但最慘就係炒蛋,Surface Area表面面積咁大,吸油機會多咁多,最肥嘅蛋,非佢莫屬啦!明白無!? 當然,最好就唔好成日食啦!若果真係無辦法,而家知點做啦!

另外,提一提大家,雞蛋都唔係咁可惡,1隻蛋255毫克膽固醇,無高膽固醇朋友,一星期5隻,都ok,但若果高膽固醇的話,就一星期唔好多過3隻蛋黃喇!

6 則留言:

匿名 說...

俾你激死,咁都可以俾你講得咁攪笑!

匿名 說...

我想問如果太陽蛋放入通粉一齊食,之後整穿太陽蛋個蛋黃,咁係咪會健康D呢?

匿名 說...

i got the right answer..:P

匿名 說...

點解今日唔見咗個專欄???成日都好失落!我今日Reload個blog好多次喇!

匿名 說...

請問雞蛋既膽固醇係好定壞膽固醇呀?
同埋聽講雞蛋入面既卵磷脂可以令膽固醇顆粒變小,有利於透過血管壁,係咪真有其事呢?
謝謝!

匿名 說...

失眠是最常見的睡眠障礙的表現,失眠則是生命健康的大敵,須引起足夠的重視。如果還想要快速的減肥就要掌握最有效的減肥方法,否則不但減肥沒有成功反而會有不良的反應,然而去一些減肥豐胸整形等地方要慎重,不然有其他問題就麻煩了。