跳至主要內容

心理測驗


一日之計在於晨,所以一早起歎過杯卡巴仙奴,又開始工作。我知道好多朋友今日放假,不如輕鬆D同大家玩個心理測驗吖。

問題係:如果你今日生日,同事問你想食咩蛋糕,你會揀...

A.一個大大的生日蛋糕

B.很多件不同味道的小餅,如圖示。

諗下先,一陣先開估答案。其實無端端點解會同大家玩哩個遊戲,事緣前日同事生日,我問佢想食咩蛋糕,佢就揀咗B囉!

跟住我就話,你揀多多多種餅係因為你貪心又為食,種種款式都想試,另一個原因好簡單,好多人都有選擇障礙,唔知點揀;相反有D朋友就好鬼重視禮節,總認為生日要切餅先算圓滿囉!唔知你又會點揀呢?
話時話,我都有好嚴重嘅選擇障礙,下一個post先同大家講點解!

留言

匿名說…
B 但係會款款試下.....好貪心唷~~~
匿名說…
其實我都有好嚴重嘅選擇障礙...
我都諗再一陣...我都係choose 返A, 我覺得生日真係要切餅先算圓滿...

Fanny =P
匿名說…
我都會揀成個餅,切蛋糕開心d!!
匿名說…
我想問燕麥片同即煮燕麥有咩唔同?
同埋燕麥有無分低卡低熱量個d??可以介紹邊隻燕麥o岩減肥食嗎? 唔該晒
Starry說…
.........我諗我既選擇障礙都幾嚴重,諗咗成分鐘但連選A定B都仲未決定到.
Starry說…
不過宜家我係絕對絕對絕對唔會吃既.希望我下年生日可以食蛋糕...
匿名說…
好彩世界上唔只得我一個有選擇隌礙啫~
原來有好多人同我一樣~

今次我想得好快,就選A!
原因係,上個月生日,終於食到個魔鬼蛋糕,好味到令我十分懷念,好想再食!!
原因二,就係咁多款選擇,又會令自己同身邊朋友好煩,加上心愛那件比其他人選左,咪又會唔開心羅~
所以為免"打交",
買一大個,唔洗爭就最好~

tomato
匿名說…
我都唔知點揀好呀!!原來生日都可以揀幾種餅,都好過隱吖!
匿名說…
我都會揀B,因為小餅平日都有得食:)
匿名說…
你都好鬼馬睹,問我哋d戰友點揀,整估我咩,我個答案係今年唔食住,減完磅窈宨番,下年先食!
匿名說…
我試咗藍青口,真係好好食,感謝好介紹!
匿名說…
Elmo & Cynthia 姐姐嘅好拍檔Josephine 姐姐: 我番嚟喇! 祝& 補祝你哋生日快樂呀~~! 今次主人帶埋我出走呀, 勁開心! 不過,佢就勁擦(肥死佢),獨留我一個係間好四正嘅旅館做我就鍾意嘅嘢:睇電視& 瞓,但係冇啖好食! 主人話聽日蛇王去探你哋喎! Garfield~~~~
匿名說…
我會揀B,之後將想食果D再一開四,咁咪可以食多幾款囉!不過D friend彩我都有味
匿名說…
當日除了有生日歌聽,仲切咗8次生日餅,因我將每件小餅都切成6份,除了我,人人都可品嚐不同小餅的味道,好開心,好過咁悶,只食一大件餅,得一種味!

仲有咁多年生日,大家不妨揾一年試試!:P

選了B的貪心生日同事

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。