我今日其實無咩做過嘢! 瞓到10點半先起身，寫好星期一份稿，跟住去咗個私人聚會講咗個講座，轉頭就返番銅鑼灣出席另一個減肚腩講座，但係唔知點解，今日返到屋企後...唔係，應該係搭緊車期間，我已經覺得自己粒電著哂紅燈，都幾嚴重，我諗今個星期六都要好好叉電。
雖然真係好鬼...累，但係今日又好想同大家分享下自己食咗D咩，D戰友成日見完我之後都會問:今日想出街食飯，有咩好介紹，其實遠比我剛剛入行嘅時候，而家係外面食嘢，已經多咗好多選擇，好啦...既然大家當咗哩度係減磅戰友嘅Open Rice，我今日就介紹我哩間飯堂，佢就係x翠拉麵，(我唔係想x個字，但係諗唔到個字點打，體諒下，平日有車厘子做打手)，我覺得佢個拉麵唔錯，我今日揀咗紅燒牛肉拉麵，有時我鐘意食嫩雞燴麵，仲有個清燉雞湯麵都適合戰友啦!我今晚同朋友share，所以仲可以食醉雞，大家戰友可以試下，減磅唔係淨係屋企食飯，間中出下街都要啦!話時話，有無發覺我近排無教大家自己煮嘢食呢?原因好簡單，我日日都唔係屋企食，下個禮拜啦!因為tvb嘅食譜又要趕趕趕喇!唔得喇又要叉電又要同milo做運動，byebye!!
留言
Y_Y:::
WS